Ahmet%20Davutoglu.jpg)
Ministri i Punëve të Jashtme të Turqisë, Ahmet Davutollu ngjarjet në Parkun Gezi i vlerësoi në artikull botuar në gazetën angleze “The Guardian”.
“Me protestat është abuzuar me qëllim për të ngjallur dyshime mbi lartësimin e Turqisë në mesin e ekonomive demokratike të nivelit më të lartë”, tha shefi i diplomacisë turke.
Në shkrimin me titull “Turqia: Pavarësia protestave, ne përfaqësojmë të gjithë qytetarët” Ahmet Davutollu thekson se nuk bëhet fjalë për mungesë të demokracisë në Turqi.
“Ne jemi të vetëdijshëm që jemi zgjedhur me mbështetjen e një pjese të madhe të shoqërisë, por ne përfaqësojmë të gjithë popullin dhe veprojmë në përshtatje me vullnetin e tij. Asnjë qeveri demokratike nuk lejon që një grup i çfarëdoshëm i jashtëligjshëm ose ilegal të kërcënojë rendin publik, të sulmojë policinë dhe të dëmtojë pasurinë publike dhe private”, cilësoi Davutollu.
Davutollu u shpreh se gjatë ndërhyrjes së forcave të rendit për të shpërndarë protestuesit janë bërë disa gabime në përdorimin e forcës, duke nënvizuar se vazhdon procesi hetimor për këto ngjarje dhe përgjegjësit janë pjesë e procesit të llogaridhënies.
“Protestat nisën si një lëvizje ambientaliste paqësore që kundërshtonte zbatimin e një plani zhvillimor të qeverisë. Por fatkeqësisht grupe ekstremiste pro përdorimit të dhunës ua grabitën atyre kërkesat demokratike”, shkruan Davutollu në artikullin e botuar në “The Guardian”.
“Ne besojmë se protestat e Parkut Gezi janë shfrytëzuar me qëllim për të ngjallur dyshime mbi lartësimin e Turqisë në mesin e ekonomive demokratike të nivelit më të lartë”, tha Ministri i Punëve të Jashtme Ahmet Davutollu.
Thu 23 Mar 2023 - 2:31 nga 
