Islamofobia në perëndim
in Kulturë, Kuriozitete, Lajme November 2, 2014 36 Views
Islamofobia në Kanada
Sulmi terrorist i ndërmarrë në godinën e parlamentit kanadez në Otaua tronditi opinionin publik kanadez, por jo vlerat e shoqërisë.
Tre të rinj ndërmorën një eksperiment social. Njëri prej tyre i veshur si mysliman ndërsa një tjetër që hiqej si islamofob dhe racist. I treti filmonte.
Gjithçka është filmuar në stacion autobusi. “Islamofobi” i kundërvihet të riut të veshur si mysliman duke aluduar se ai ishte terrorist dhe duke i kërkuar që të mos hipte në autobus me të, por të priste një tjetër.
Menjëherë në mbrojtje të të riut të veshur me veshjen karakteristike arabe kanë dalë personat e tjerë në stacion.
“Nuk mund të paragjykosh një person për veshjen e tij. Ajo që ndodhi në Otaua ishte një çmenduri, një veprim i çmendur i një fanatiku. S’mund të fajësosh të gjithë myslimanët për këtë”, deklaroi njëri prej personave në stacion.
Kulmi i reagimit mbërrin në momentin kur njëri prej personave i vendosur në stacion godet “islamofobin” para se ky i fundit t’i rrëfente se gjithçka ishte pjesë e një eksperimenti social. /topchannel/

Islamofobia në Australi
Përmes një eksperimenti social të zhvilluar në një qytet të Australisë, qytetarët kanë dëshmuar që dinë ta dallojnë ekstremizmin fetar, prej manifestimit të fesë në suaza normale.
Në videon më poshtë, paraqitet një i ri i cili fyen dhe akuzon për terrorizëm femra dhe fëmijë të veshur me rroba tradicionale myslimane.
Qytetarët të cilët e kanë parë ngjarjen kanë reaguar duke thënë se secili ka të drejtë ta manifestojë fenë në mënyrën e vet.