Hitskin.com

Dersi I Xhumas

05.12.2014

Xhamia e Shqiparve Bibbien-Itali

Ligjerues: Ilaz ef. Salihi

Tema: “Vlera e namazit shpërblimet, dënimet si dhe rregullat e tij”

Falemenderojmë Allahun Zotin e botrave, prej Tij kërkojmë ndihmë.Atë e falemenderojmë, e lusim që të na drejtojë në rrugë të drejtë dhe të na i falë mëkatet.Nga Ai kërkojmë mëshirë pasi të vdesim, për ne dhe gjithë besimtarët. Te All-llahu kërkojmë shpëtim nga e keqja e shpirtërave tanë dhe nga veprimet e këqija. Atë të cilin All-llahu e drejton, atë askush nuk mund ta dërgojë në huti, por atë të cilin All-llahu e lë në huti, atë askush nuk mund ta kthejë në rrugë të drejt. Dëshmojë që nuk ka Zot tjetër veç All-llahut që meriton të besohet dhe adhurohet dhe se Muhammedi është rob dhe i Dërguari i Tij.

Salavatet dhe selamet tona qofshinmbi njeriun më të ndershëm dhe më të moralshëm, mbi vulën e Pejgamberis Muhammedin s.a.v.s të cilin Allahu xh.sh e dërgoi së bashku me të vërtetën (Kur’anin famëlartë), si prurësin e lajmeve të gëzuara dhe paralajmërues për Fundine botës, ta paralajmëron atë që ka mend, dhe ta meritojnë dënimin të pa besët.

Mëshira e All-lalhut qoft mbi të, mbi familjen e tij të ndershme, mbi shokët e tij besnik si dhe mbi të gjithë ata që ndjekën ndjekin dhe do ta ndjekin rrugën e tij deri Ditën e Gjykimit.

I nderuari xhemat (Të nderuar lexues)….Jemi në namazin e Xhumas, Ditë madhështore, festë javore, dhe pasi që javët e kaluara folëm mbi vlerën e shtëpive të Allahut xh.sh (Xhamitë), sot me ndihmën e Allahut xh.sh do të kalojm me një temë tjetër e cila mund të quhet kulm i çdo teme apo aktualitet i çdo gjëje…Do të folim mbi atë e cila u llogarite urdhër i parë që besimtarët bëjn në Xhami si dhe urdhër i prerë i pa tolerim që muslimanët duhet ta bëjnë që nga mosha mahdore e deri në vdekje pa marë parasysh se ku gjenden në shpi apo në mërgim, në vend apo në udhëtim.

E pa dyshim ai urdhër për të cilin All-llahu xh.sh nuk ka dhënë tolerim, si dhe pa kryerjen e tij ska shpëtim, është namazi.

Ajo që më bëri që të foli në lidhje me këtë temë, është ajo se urdhëri është shumë i reptë, e ne nuk jemi kërkundi karshi këtij urdhëri, si dhe edhe pse nuk e kryejm thuaj se kurrë, sërish shpresojm në shpëtim!

Nëse Xhamitë janë shtëpitë e Allahut xh.sh në tokë, atëherë namazi është lidhja direkte e nejriut me All-llahun xh.sh. Nëse ai që gjendet në xhami llogaritet mysafir i Allahut xh.sh atëherë, ai i cili është në namaz është bashkëbisedues me Allahun xh.sh.

Namazi të nderuar vllezër është urdhër i vetëm i cili është bë obligim në qyell, pasi që të gjithë urdhërat tjerë janë bërë obligim në tokë edhe atë nëpër mes xhibrilit, ndërsa namazi përveç që është bërë obligim në qyell, ai u bë obligim direkt nga Allahu xh.sh Muhammedit a.s pa ndërmjetësim.

Andaj duke parë vlerën e madhe të këtij urdhëri të madh vendosa që temën ta titulloj: “Vlera e namazit,shpërblimet, dënimet si dhe rregullat e tij”

Mbi këtë temë do të folim sot aq sa kemi kohë, për të vazhduar në javët në vijim për ta kuptuar vlerëne vërtetë të tij si dhe obligimet dhe rregullat e tij, sepse nga namazi mvaret shpëtimi apo denimi jonë.

Të nderuar vllezër me fjalën namaz në Arabisht (salat), nënkuptojmë lutjen e përgjithshme për të mirë (dua), ibadetin i cili përbëhet nga recitimi i kur’anit, rukus dhe sexhdes.

Baza apo obligimi i namazit është konfirmuar në Kur’anin Famëlartë, sunnetin e Muhammed Mustafas s.a.w.s si dhe në koncenzusin e dijetarve islam.

Në Kur’anin Famëlartë janë të shumtë ajetet të cilët aludojnë në urdhërin për faljen e namazit si dhe obligimine tij.

Namazi është detyrë e rept (farz) për çdo besimtarë dhe si të tillë Lavdiploti e ka bërë obligim në shumë ajete të Librit të Tij.

Në një ajet Allahu xh.sh thotë:

, Dhe falene namazin në mënyrë të rregullt, sepse namazi është obligim (për kohë) i caktuar për besimtarët.

Të nderuar xhemat nga ajeti i lartëcituar, nënkuptojm se Allahu xh.sh namazin na ka bërë urdhër edhe atë të prerë me kohë të caktuar , e jo sin a kujtohet neve ndonjë here, të xhumave, bajrameve,apo Zoti mos e bëftë asnjëherë….E të ndodh që pasi që se kemi flaur asnjëherë të vin koha të na e falin neve e ti paraqitemi Allahut pa mos e përulur kryen aspak në sexhxhde.

Gjithashtu edhe Pejgamberi s.a.w.s faljes së namazit I ka kushtuar rëndësi të madhe kur edhe në hadithet e tij namazine ka vendosur shtyll të dytë ku thotë: “Islami ngritet mbi pesë shtylla (gjëra): Deklarimin se nuk ka Zot tjetër pos Allahut dhe se Muhammedi s.a.w.s është I dërguari I Allahut,kryerjen e namazit,dhënien e zeqatit,kryerjen e haxhit dhe agjërimine muajt të ramaznait” (Buhariu)

Andaj, sipas dispozitave të sheriatit , ai që e lësjon namazin meriton qortim të ashpër, ndërsa ai që e le anash, padyshim, hyn në mesin e mëkatarve të mëdhenj.

Ndërsa ai që e mohon namazin Allah una ruajt aj del edhe prej fesë, sepse e mohon një urdhër të madh të Allahut xh.sh dhe mohon qëllimine krijimit në këtë botë,përshkak se jeta vllezër të nderuar është një udhëtim I shkurtër me ndalesa të shumta, kun ë secilën prej tyre ndalojmë përkohësisht…Njejt sikur jemi duke udhëtuar me tren për një vend të caktuar, gjatë udhëtimit treni ndlaon në shumë stacione dhe vendi ku duhet të arish, është vendi I kthymit, pasi që nga atje duhet të kthehesh sërisht, në këtë rast vendi I kthymit apo stacioni I kthymit është vdekja, ndërsa caku është Dita e Gjykimit ku kemi për tu takaur me Allahun xh.sh dhe ti japim raport (përgjegjësi) për gjithë veprat tona.

Allahu xh.sh e ka krijuar njeriun në formën më të përsosur,duke e veshur atë me vyrtite dhe moral të lartë. Dhe se qëllimi I krijimit të k’saj krijese është që ta adhuroj Atë që I dha shpirt, dhe që e dalloj nga të gjitha krijesat e tjera me mend dhe logjikë, pra ta adhuron Allahun xh.sh është qëllimi kryesor I ardhjes tone në këtë botë, e këtë e tregon më së miri Allahu xh.sh në Kur’anin Famëlartë ku thotë:

Unë nuk i krijova xhinët dhe njerëzit për tjetër pos që të më adhurojnë.Unë nuk kërkoj prej tyre ndonjë furnizim e as dëshiroj të më ushqejnë ata. All-llahu është furnizues i madh, Ai fuqiforti.

All-llahu xh.sh i Cili na ka Krijuar në këtë botë na ka dhënë një shkak, shkak ky të cilin shumë kush prej nesh e kemi ahrruar, dhe se kur vjen puna për ta kryer obligimin ne gjejm plot shkaqe vetëme vetëm të gjejm diçkapër ta justifikuar mos adhurimin tonë! A mos vallë mendojm se Allahu xh.sh nuk i din justifikimet tona? Apo mos vallë Allahu do ti emr në konsiderat justifikimet tona? Apo mos vallë Allahu nuk e din se kemi pasur ne kohë apo jo? Kemi mundur apo jo?.....

Pejgamberi s.a.w.s ka thënë: Es-salatu aimadu dinë, we men ekamehu ekamu din, we men hedemehu hedemu din”

“Namazi është shtylla kryesore e fesë, kush e mkëmbën (e ngrit, e forcon), këtë shtyllë (e ngrit, e forcon) fenë, kush e mposht, e mposht fenë.

Lind pyetja: Ne e ngritim apo e mposhtim Fenë tonë…..Përgjigja dihet!!!

Vlera e namazit

All-llahu xh.sh namazit i ka dhënë vlerë të madhe, për këtë shkak edhe e ka bërë qëllim kryesor për robërit e Tij, e ka llogaritur shtyll kryesore si dhe e ka lidhur shpëtimin dhe dënimin e robit pikërisht me namazin.

Të njejtën All-llahu xh.sh e ka përmendur në Librin e Tij ku thotë:

Ka shpëtuar ai që është patruar. Që e përkujton emrin e Zotit të vet dhe falet. Po ju i jepni përparësi jetës së dunjasë, Ndërsa ahireti (amshimi) është më i mirë dhe e përjetshëm. (Suretul-Ala 14-17)

Në këtë ajet shohim vlera të mëdhaja në faljen e namazit, një ndër ato është,, Që e përkujtojn emrin e Zotit të vet dhe falet….A dëshirojm të shpëtojmë?

Pra në namaz e gjejm atë, duke përkujtuar Emrin e Zotit duke u falur.

Por All-llahu xh.sh na eka dhënë përgjigjen neve para 1400 vjetve, përgjigje kjo e cila jepet tahs nëse dikush pyetet se pse nuk falet?...Jep plot përgjigje dhe justifikime por Allahu xh.sh na e përmledh në ajetin më posht ku thotë: Po ju i jepni përparësi jetës së dunaj. Ja pra pse nuk falemi, sepse jemi të preukupuar me dunjanë dhe skemi kohë për Allahun, u kuptuam pra.

Ndërsa ahireti (amshimi) është më i mirë dhe i përjetshëm….Po veç ne këtë nuk e kuptojmë, do ta kuptojm kur të ballafaqohemi me atë dhe kur të na hapen perdet e së vërtetës.

Kur jemi te vlera e namazit vlen të përmendet një hadith i Pejgamberit s.a.w.s, i cili shumë bukur na e tregon vlerën e namazit ku thotë:

“Re’sul emril-islamu we amuduhus-salatu we dhirvetu ssenamihi, Elxhihadi fii sebililahii.”

“Gjëja më e rëndësishme është Islami. Shtylla e tij është namazi,ndërsa kulmi i tij është lufta në rrugën e Allahut xh.sh.” (Muslimi)

Kur është pyetur Pejgamberi s.a.w.s se cila punë është me e mirë është përgjigjur:

“Ej-jul amelu efdal? We fii rivajetin: Ej-jul-Amali ehabbu ilall-llah? Kale: Es-salatu livaktiha”

“Cila vepër është më e mirë? (Në transmetim tjetër thuhet): Cila punë është më e dashur tek All-llahu xh.sh? Pejgamebri i Allahut xh.sh është përgjigjur: “Namazi në kohën e tij” (Muslimi)

Krahas dobive dhe vlerave të namazit sipas sheriatit Kur’anit dhe sunnetit, kemi edhe vlera shkencore të përmendim disa nga ata:

· Sipas studijuesve, sa më shumë të vihet koka në tokë gjatë ditës, aq më shumë gjak shkon në tru.

· Lëvizjet izometrike në namaz (rukuja,sexhdja), ndihmojnë përzirjen e mirë të ushqimeve në stomak, e parandalojnë formimin e gurëve në veshkë.

· Lëvizjet ritmike në 5 kohët e namazit, i ven në lëvizje muskujt, që në jetën e përditshme nuk vehen në lëvizje,shmangin sëmundjet si artroza e nyjeve dhe shtangimi i muskujve.

Ky lloj ibadeti është bërëobjekt studimi i shumë studijuesve të diciplinave të ndryshme shkencore dhe rezultatet kanë qenë interessate dhe të çmuara.

Trupi ynë merr një numër të madh valëshelektromagnetike. Këto valë i marrim përmes paisjeve që përdorim çdo ditë, si televisori,kompjuteri,celulari, si dhe përmes dritave, që nuk mund të fiken për arsye të caktuara. Të gjitha këto valë i amrim pa e kuptuar. Kjo na bën em dhimbje koke dhe të dobët. Po cila është zgejdhja për të gjitha këto?

Një shkencëtarë nga Evropa bëri një kërkim dhe arriti në përfundim se vendosja e ballit në tokë më shumë se një herë në ditë, shkarkon ngarkesën e dëmshme elektromagnetike. Interesant është fakti se mënyra më e mirë është të vendoset balli në tokë dhe në drejtim nga qendra e tokës.

Shkencërisht është vërtetuar se qendra e tokës është qyteti i Mekkes, saktësisht Qabja e shenjtë. Kështu që përulja (sexhdeja) në lutjet tona është mënyra më e mirë për të shkakruar ngarkesën elektromagnetike nga trupi ynë, megjithëse kjo nuk është qëllimi i sexhdes, por vetëm një nga dobitë e shumta të saj, pasi që qëllimi i vërtetë është nënshtrimi dhe afrimi me të Gjithfuqishmin.

Një kundërshembull për të gjithë ata që pretendojn se namazi u harxhon kohë. Me një përllogaritje të vogël matematikore, ti ke dhuratë nga Allahu xh.sh 24 orë në dispozicionin tënd, ku 23 orë e gjysmë në çështje të kësaj ejte, ndërsa 30 minuta Namaz.

Ky është programi më superior, pra s’ka justifikime se namazi të merr kohë.

Subhanallah…nëse do ta konkretizonim me një shembull, do të mund të thoshim se ti nëse rregullisht gjatë 50 viteve ke falur namaz, atëherë statistikisht del 49 vite i ke kaluar duke u ballafaquar me çështje të kësaj jete, ndërsa vetëm një vit me adhurim të namazit.

Pra, për të gjitha ata që kanë mendje të shëndoshë, s’ka arsyetim në lidhje me faktin se namazi të merr kohë. Me një përllogaritje të vogël e kupton se adhurimi s’është pengesë në çështjen e kohës.

Vazhdojn…..

» [Hudbe islam] Ders i Xhumas mbajtur në xhamine e shqiptarve Bibbien Itali 20.03.2015 Tema: Zot na rruaj nga përçarja...Ligjerues Ilaz.ef.Salihi
» [Hudbe e Xhumas] Dersi i Xhumas së katërt e Ramazanit mbajtur në Xhamine shqiptarve Bibbien Itali Ligejrues: Ilaz Salihi Tema: Dhjet Ditët e fundit të Ramazanit dhe Sunneti i harruar e në zhdukje e sipër "Itikafi"
» [Hudbe islame] Ders i xhumas mbajtur në Xhamin e Bibbienës Itali me 17.04.2015 Ligjerues: Ilaz.ef.Salihi Tema:Hyrja në tremuajt e bekuar dhe vlera e tyre
» [Hudbe islame] Ders i xhumas mbajtur në Xhamin e Bibbienës Itali me 10.04.2015 Ligjerues: Ilaz.ef.Salihi Tema:Mendjemadhësi
» [Hudbe islame] Ders i xhumas mbajtur në Xhamin e Bibbienës Itali me 27.02.2015 si dhe në njÙ tribun islame në Xhamin e montespertolit itali nga Ilaz.ef.Salihi Tema:Garimi në punë të mira

Hitskin.com

[Hudbe e Xhumas] Ders i mbajtur me 05.12.2014 në Xhaminë e shqiptarve Bibbiena Itali Tema:“Vlera e namazit shpërblimet, dënimet si dhe rregullat e tij”