Të nderuar, këtu jeni në jetën e dynjasë. Pra, në klasën e provimit tuaj. Pyetjet janë përgatitur prej urdhrave dhe ndalesave të fesë sonë. Përgjigjet e pyetjeve presin të gatshm në librin tonë. Koha e provimit do të mbarojë me exhelin (momentin e
vdekjes). Pikët që duhen për të kaluar klasën janë pesëdhjetë në njëqind. Kopja është e ndaluar. Niveli i suksesit, është një avantazh për ju. Koha juaj ka filluar.

Ju uroj suksese!..

Ne njerëzit

Ne njerëzit jemi qenie të çmuara, të cilat Allahu i ka krijuar duke u dhënë vlerë të lartë. Ne dëshirojmë

që afatin e caktuar kohor që na është dhënë për të jetuar, ta kalojmë në lumturi. Si mund ta realizojmë këtë?

Përveç Krijuesit tonë të Madhërishëm, a ka kush tjetër që mund të na e shpjegojë këtë? E kush mund ta bëjë këtë përveç Allahut të Madhëruar që na njeh më mirë si kushdo?

Atëherë, çështja më e rëndësishme është të komunikojmë me të.

Si do të ndodhë kjo?

Shumë thjesht; duke aprovuar me besim profecinë e të Dërguarit të Allahut (a.s.) dhe duke ndjekur gjurmët e tij. Pra,suksesi në arritjen e Zotit tonë të dashur, është ndjekja e Profetit tonë të dashur (a.s.). Kaq!

Ndërsa rruga e kësaj, është të lexosh sa më shumë libra, të punosh me ato që mëson dhe të krijosh miqësi me njerëz të mirë.

Kurani

Ashtu si për çdo adhurim, qetësia e zemrës është e rëndësishme edhe gjatë leximit të Kuranit. Për këtë arsye, është e domosdoshme të qëndrohet larg prej ambienteve që e prishin këtë qetësi dhe të mos harrojmë se ndodhemi para Allahut, po lexojmë Fjalën e Tij dhe Ai po na dëgjon. Nëse arrihet, padyshim se kjo do të ketë ndikim të madh në kuptimin e saktë të leximit. Mirëpo, ata që nuk e kanë këtë mundësi, mund të arrijnë mirësi të tjera të ngjashme duke lexuar përkthimet e Kuranit dhe komentimet e tij.

Respekti ndaj Kuranit, është kusht i domosdoshëm. Ai duhet mbajtur në vende të pastra dhe nuk i duhet dhënë atyre që mund ta përdhosin. Nëse ka dikush që përpiqet ta përdhosë, duhet ta këshillojmë e ta pengojmë nga ky veprim. Por, nëse nuk kemi fuqi ta bëjmë as këtë, atëherë duhet ta braktisim atë vend dhe të mos e frekuentojmë më.

Gjithashtu, duhet të tregojmë respekt edhe për libra, revistat, gazetat etj., që përmbajnë ajete dhe hadithe. Kuranët e vjetërsuar i vendosim në ndonjë kuti dhe i ngremë diku në një vend të pastër ku nuk shkelen prej askujt.

Padyshim se ofendimi i tij, sharja, armiqësia, tallja, urrejtja, pengimi prej leximit dhe përjetimit të tij, konsiderohen “kufr” njësojë sikur ta kesh mohuar atë. Mbajta qëndrim ndaj këtyreveprimeve mohuese, është domosdoshmëri e respektit ndaj Allahut.

Në Xhenet do të flasim për këto ditë...

Unë i lutem Allahut për këdo që i lexon këto shkrime me qëllim të mirë. U them direkt “Allahu qoftë i kënaqur me ju!”. Nesër në botë tjetër, do të takohemi edhe me vëllezërit tanë që nuk jemi takuar këtu
dhe do të bisedojmë për këto gjëra. Në Xhenet do të bëjmë biseda të gjata duke buzëqeshur të ulur ballë për ballë nëpër kolltukë dhe duke pirë prej pijeve të Xhenetit që na i ofrojnë hyritë e Xhenetit nën pemët e tij gjigande...