Islami po ashtu e ka nderuar femrën edhe si nënën ia ka garantuar të drejtën dhe ka porositur në mirësjellje, aq sa Pejgamberi (sal-l All-llahu ve sel-lem) ka porositur që të respektohet tri herë para babait. Kështu kur e pyetën, cili nga prindërit e meriton më tepër sjelljen e mirë me të tha: “Nëna jote! Po pastaj? Tha: Nëna jote! Po pastaj? Tha: Nëna jote! Po pastaj? Tha: Pastaj babai yt”.
Është nëna që heq barrën më të rëndë të vuajtjeve që nga shtatzënia, lindja, gjidhënia, përkujdesi, edukimi, etj., ndaj i takon më tepër respekt, siç thotë All-llahu i Madhërishëm: “Ne njeriun e kemi urdhëruar për (sjellje të mira ndaj) prindit të vet, sepse nëna e vet atë e barti me mund pas mundi dhe pas dy viteve ia ndau gjirin…” (Llukman: 14)
Te muslimanët është përhapur thënia: Xhenneti është nën këmbët e nënës. Këtë ata e kanë marrë nga ndodhia e një shoku të Pejgamberit (sal-lAllahu alejhi ve selem), i cili erdhi për xhihad. Pejgamberi e pyeti se a kishte nënë. po! – i tha ky. Atëherë Pejgamberi I tha: “Shko rri me të, se Xhenneti është nën këmbët e saj”.
Thu 23 Mar 2023 - 2:31 nga 
