Jemeni shprehet optimist në mbështetje të Kosovës


Kosovë

[color:da2c=#666]

Jemeni shprehet optimist në mbështetje të Kosovës








Ambasadori i Jemenit në Kajro, Prof. Dr. Abdulvelij Al Shumejri, priti në një takim kortezie, Prof. Dr. Beqir Ismailin. Takimi u zhvillua në ambientet e Ambasadës së Jemenit në një atmosferë të ngrohtë dhe miqësore.
Dialogu mes Ambasadorit të Jemenit dhe Prof. Ismailit u përqendrua tek zhvillimet më të fundit në Kosovë dhe u vu theksi në numrin e shteteve që e kanë njohur tashmë pavarësinë.
Ambasadori Prof. Dr. Abdulvelij Al Shumejri tha se Qeveria e Jemenit e mbështet Kosovën në të gjitha sferat e jetës.
“Jemeni i dëshiron Kosovës një të ardhme të ndritur me më shumë përparim dhe prosperitet në të gjitha fushat”, u shpreh Al Shumejri.
Më pas Ambasadori i Jemenit në Kajro, Prof. Dr. Abdulvelij Al Shumejri, ka paraqitur ndjenjat dhe konsideratën e tij më të lartë për punën dhe përpjekjet e Prof. Dr. Beqiri Ismailit, i cili ka punuar me përkushtim dhe besnikëri për të thelluar marrëdhëniet dypalëshe mes dy vendeve, duke siguruar informacionin e nevojshëm gjeo-politik, libra dhe hulumtime që sqarojnë çështjen e Kosovës.
“Këto informacione dhe përpjekje për të sqaruar pozicionin e Kosovës para dhe pas luftës së fundit”, u shpreh Ambasadori, “kanë ndihmuar Qeverinë e Jemenit ta vlerësojë drejt dhe me rigorozitet çështjen e Kosovës dhe ta mbështesë atë në arenën ndërkombëtare”.
Në fund të takimit Prof. Dr. Ismaili falënderoi ambasadorin Al Shumejri për kontributin që vendi i tij ka dhënë ndaj popullit të Kosovës dhe kërkoi njohjen e Kosovës nga Qeveria e Jemenit.

Alba Press-Kajro

[color:b58d=#666]

Cilët janë 6 ministrat që po hetohen nga EULEX-i





“Llafet” se një numër ministrash tashmë janë duke u hetuar nga EULEX-i për shkak të keqpërdorimeve, i bëri më të besueshme anëtari i Kryesisë së LDD-së, Naser Rugova, këto ditë, gjatë një debati në TV21.

Ai në këtë debat saktësisht tha se ka informacione të sigurta se 6 ministra, ndër ta edhe ish-ministra nga Qeveria e Kosovës janë duke u hetuar për keqpërdorime nga EULEX-i. Sipas tij, ndër ministrat që po hetohen ka ministra nga radhët e PDK-së dhe të LDK-së. Rugova tha se këto informacione i ka të sigurta dhe ja kanë dhënë zyrtarë ndërkombëtarë gjatë takimeve të tij dhe subjektit politik të tij me ta.
Mirëpo, as Naser Rugova nuk i bëri publik emrat e 6 ministrave, që sipas tij po hetohen dhe që në këtë debat la të kuptohet se ai i di emrat e tyre. Në këtë nuk iu vu asnjë pikë thashethemeve për identitetin e ministrave nën hetime./koha/

New York Times", një nga gazetat më prestigjioze të Shteteve të Bashkuara të Amerikës, ka lavdëruar ekonominë e Turqisë.

"New York Times", ka theksuar se Turqia ka ekonominë me rritjen më të shpejtë në botë dhe se bursa e saj thyen rekord çdo ditë.
Gazeta që ka një masë të gjerë lexuesish jo vetëm në Shtetet e Bashkuara të Amerikës por në tërë botën, foli me superlativa për ekonominë e Turqisë. Duke nënvizuar se Turqia rriti shpejt rëndësinë e saj në arenën ndërkombëtare, gazeta bën të ditur se ajo është kthyer në një nga vendet më të preferuara të investorëve.
Në një lajm me burim nga Stambolli, që zë vend në shtojcën e ekonomisë së gazetës "New York Times", thuhet se rritja e vlerës së lirës turke mund të sjellë disa pasoja negative nga pikëpamja e ekonomisë së Turqisë.
Ndër të tjera, në këtë artikull njoftohet se në Turqi është përhapur idea që rritja e vlerës së lirës turke është një shpërblim i dinamizmit të ekonomisë së Turqisë, ndërsa veçohet se Kryeministri Erdoan ka thënë që ndihet krenar nga fuqia e lirës turke.
Krahas kësaj, në lajmin e gazetës "New York Times" gjithashtu bëhet e ditur që autoritetet turke kanë siguruar që shtimi i vlerës së lirës turke, në pëputhje me rregullat e ekonomisë së tregut, nuk do të pengojë hyrjen e likuiditeteve në vend. /TRT/