Poshtrim për Nënën "8 Marsi"
All-llahu na tregon për rëndësin e kohës në një sure të plotë që quhet edhe surja e kohës, ku thotë:
1. Pasha kohën!
2. Nuk ka dyshim njeriu është në një humbje të sigurt.
3. Me përjashtim të atyre që besuan, që bënë vepra të mira, që porositën njëri-tjetrin
t’i përmbahen të vërtetës dhe që këshilluan njëri-tjetrin të jenë të durueshëm. (el-Asr 1,2,3)
Po kalojnë sekond pas sekonde, minut pas minuti, ore pas ore, ditë pas
dite, javë pas jave, muaj pas muaji, vitë pas viti, dhe jeta jonë e
frymarrjet tona, vetëm sa po shkurtohen !
Kjo është koha që po ecën shum shpejt, ku All-llahu në këto ajetet e
mësipërme, e vlersoj shum kohën, por sa jemi ne ata që jemi duke ju
kushtuar rëndësi kësaj ?!
Hasan El-Basriu thoshte: “I kam nxënë disa njerëz që ishin të kujdesshëm ndaj kohës së tyre më shumë se sa që ju kujdeseni sot për mallin tuaj”.
Ja që, çdo vit përsëriten festa të ndryshme, ku për fat të keq ende mendimet janë të njejtat nga shumica e popullit ...!
Ditë e enjte ... 8 marsi ...!!!
Duke falënderuar All-llahun subhanehu we teAla, që na solli prap dhe në
këtë ditë, ta jetojmë, ta shijojmë, dhe të mundohemi të veprojm vepra
të mira.
Ndëgjoj disa zëra që po qarkullojnë nëpër rrethin që na rrethon, të
njejtën kohë skan të ndalur dhe mediumet, transmetojn fjalë të tilla dhe
ato duke thënë: "Tani është 8 marsi dita e gruas (e nënës), qka do ti
bleni nënës për këtë festë, ku do ta festoni etj etj fjalë të tilla...!
Kjo është e vërteta e kësaj feste, nga ata që e kanë parasysh...!
Me të vërtetë, ajo që mbeti nga kjo thirrje e "Festës së Nënës" nga
misioni që bëhet tek perëndimorët të cilët e zbukuruan me epshe, ua
stolisën njerëzve dhe menduan se ajo është vepër me të cilën i afrohen
All-llahut të Lartmadhëruar, dhe ata me këtë llogarisin se janë duke
bërë mirë.
Allahu i Lartmadhëruar në Kur'an thotë: "Ata janë veprimi i të cilëve u asgjësua në jetën e kësaj bote, e megjithatë ata mendojnë se janë kah bëjnë mirë." [Kehf, 104]
... për qudi ende njerzit mashtrohen dhe jetojnë me gjëra të turbullta, që ende nuk janë pastruar në mendjet e tyre...!
A thua, vetëm kjo është dita ndër 365 ditët (që ka viti), që duhet të ju kushtohet, motrës, gruas, nënës apo gjyshes...?!
Po sigurisht, tek ata që mendojn se kjo është festë që duhet festuar, ky është përfundimi.
Këto pra janë mendimet e atyre që nuk e din qëllimin e kësaj jete, këto
janë mendimet e atyre që nuk din të vlerësojnë, qmojnë, respektojnë,
nderojnë, krijesën më të qmuar që All-llahu ka sjellur në këtë Dunja pra
motrën, nënën, gruan, gjyshen …!
All-llahu i Lartmadhëruar në Kur'an thotë: "Zoti yt ka urdhëruar, që
të mos adhuroni askënd tjetër përveç Atij dhe, që të silleni mirë me
prindërit. Nëse njëri prej tyre ose të dy arrijnë pleqërinë te ti, mos u
thuaj atyre as '' uh ''!, mos i kundërshto, por drejtoju atyre me fjalë
respekti". (Isra 23).
Ky është Islami që e ngriti Gruan në shkallën më të lartë, nga këta
demokrat e nga tjera kultura që thonë se të drejtat e gruas janë të
barabarta me burrin, kurse gruas ja kan vequar vetëm një ditë të vetme
...!
Por jo, jo o të ngratë dhe të padijshëm(injorant), nëna ka vler edhe më
shum se kaq ... Jo vetëm një ditë për të ... por gjitha momentet e tua
që ke në këtë jetë, duhet të jenë në dispozicionin e nënës tënde, motrës
tënde dhe gruas tënde ...!
Sado që statusin do ta ndryshosh, prej fëmijë do bëhesh i rritur do martohesh, do bëhesh baba, prap fëmijë i nënës tënde je.
Por ne si musliman, jemi të nxitur nga Pejgamberi salallahu alejhi ue
selem, që të shpërndajmë dhurata sa herë që kemi mundësi, për të i
afruar zemrat, për të shprehur dashurinë dhe respektin ndaj tjetrit.
Kurse statusi i nënës në Islam është i lartë dhe me vlerë, që edhe sikur
ti dhuroje dhuratat e tërë botës nuk do i dalesh hakut, nese nuk ke
respekt për të, atëhere dhuratat janë vetëm gjëra të thata të zbrazda.
Nëse je nga ata që dëshiron të ja japësh hakun nënës tënde, atëher
respekto e ndero në çdo kohë atë, ngase vetëm një ditë e vetme, me një
lule, ndoshta të vyshkur e të ndryshkur duke ja dhuru asaj, duke menduar
se hoqa unë obligmin ndaj saj, ky është mendim i kotë , i kotë e tepër i
kotë .
Por Falëndero All-llahun që je ende gjallë e s'të ka marrur meleku i
vdekjes ende..., dhe je duke i shijuar këto momente të kësaj dunjaje, më
pastaj shko dhe përqafo nënën tënde, ndëgjoje dhe respektoje, ngase ky
është qëllimi i kësaj jete... Çdo veprim ka burimin tek All-llahu i
Madhëruar, të njejtën kohë duke respektuar ti nënën tënde, e respekton
All-llahun subhanehu we teAlah, gëzon dhe nderon nënën tënde, duke
ndëgjuar atë.
Ajo tani krenohet me një fëmijë që ka bartur nëntë muaj në barkun e
saj, më pastaj deri sa ishe foshnje ajo ishte që u kujdes për ty më pas u
rrite dal nga dal, dhe tani ja ku je ... Mos vallë pa përkujdesin e
askujt erdhe në këtë ditë ... ???
Jo, gjithesesi jo, ishte nëna yte që u kujdes si në mbarësin tënde,
gjithashtu dhe për edukatën tënde dhe moralin tënd njëkohësisht.
Argument për këtë është fjala e All-llahut [subhanehu ve teala] ku thotë:
“Ne njeriun e kemi urdhëruar për (sjellje të mira ndaj) prindërit të
vet, sepse nëna e vet atë e barti me mund pas mundi dhe pas dy viteve ia
ndau gjinin. (e porositëm) Të jeshë mirënjohës ndaj Meje dhe ndaj dy
prindërve tu, pse vetëm te Unë është kthimi juaj”. [Llukman, 14]
Andaj mos i humb shpërblimet që janë të shumta që mund të i fitosh, e
mos u merr me fjalë e mendime të kota që vijnë nga çdo anë, por merru
dhe shko pas të vërtetës së ndritur.
Pas kryerjes së kësaj vepre (kur e respekton nënën tënde) ke shpërblime
tek All-llahu i Madhëruar në këtë dunja dhe ahiret, si shpërblim të
fundit, lusim All-llahun që të jesh në Xhennet, All-llahume Amiinnn! .
E vërteta është në fjalët e All-llahut subhanehu we teAla " Kur'ani " dhe Sunneti i Muhammedit salallahu alejhi we selem .
"Ju e kishit shembullin më të lartë në të dërguarin e All-llahut,
kuptohet, ai që shpreson në shpërblimin e All-llahut në botën tjetër, ai
që atë shpresë e shoqëron duke e përmendur shumë shpesh All-llahun." (El-Ahzab 21).
Dhe pas gjithë kësaj kuptojmë se: Me të vërtetë obligim i ynë është që
të gjallërojmë në këtë ummet – e sidomos në gjeneratat e reja –
respektimi i prindërve prej fillimit ashtu siç dëshiron All-llahu (Azze
ve Xhel) dhe ashtu siç na ka mësuar i Dërguari (salAll-llahu alejhi ve
selem) dhe siç ka vepruar selefi (të parët) e ummetit (radiajAll-llahu
anhum) dhe të largohemi nga ajo që kundërshton Dinin tonë dhe që nuk i
takon atij prej festave, ceremonive, festivaleve dhe traditave, ngase
asnjëherë nuk do të mund të përmirësohet fundi i këtij Ummeti përveç se
me atë që është përmirësuar fillimi i tij.
Autore: Ummu SULEJMA