02.04.2019
![[Hudbe islame] Ders i xhumas mbajtur në Xhamin e Frankenthalit 29.03.2019 Ligjerues: Ilaz.ef.Salihi Tema: “Israja dhe Miraxhi,mrekulli,bindje dhe dhurat nga Allahu xh.sh” 71735](https://2img.net/u/1711/56/94/24/smiles/71735.png)
Dersi I Xhumas
29.03.2019 E Xhuma
Islamischen Verein Frankenthal
Ligjerues: Ilaz ef. Salihi
Tema:
“Israja dhe Miraxhi,mrekulli,bindje dhe dhurat nga Allahu xh.sh” Falemenderojm Allahun Zotin e botrave, prej Tij kërkojmë ndihmë.Atë e falemenderojmë, e lusim që të na drejtojë në rrugë të drejtë dhe të na i falë mëkatet.Nga Ai kërkojmë mëshirë pasi të vdesim, për ne dhe gjithë besimtarët. Te All-llahu kërkojmë shpëtim nga e keqja e shpirtërave tanë dhe nga veprimet e këqija. Atë të cilin All-llahu e drejton, atë askush nuk mund ta dërgojë në huti, por atë të cilin All-llahu e lë në huti, atë askush nuk mund ta kthejë në rrugë të drejt. Dëshmojë që nuk ka Zot tjetër veç All-llahut që meriton të besohet dhe adhurohet dhe se Muhammedi është rob dhe i Dërguari i Tij.
Salavatet dhe selamet tona qofshinmbi njeriun më të ndershëm dhe më të moralshëm, mbi vulën e Pejgamberis Muhammedin s.a.v.s të cilin Allahu xh.sh e dërgoi së bashku me të vërtetën (Kur’anin famëlartë), si prurësin e lajmeve të gëzuara dhe paralajmërues për Fundine botës, ta paralajmëron atë që ka mend, dhe ta meritojnë dënimin të pa besët.
Mëshira e All-lalhut qoft mbi të, mbi familjen e tij të ndershme, mbi shokët e tij besnik si dhe mbi të gjithë ata që ndjekën ndjekin dhe do ta ndjekin rrugën e tij deri Ditën e Gjykimit.
I nderuari xhemat….Gjendemi në Ditën e xhuma fest javore për muslimanët si dhe në namazine veçant namazine xhumas.
Gjithashtu jemi pran një ngjarje të madhe historike, datë kjo e cila na ban krenar të jemi musliman, na ban krenar të jemi ummet i krijesës dhe Pejgamberit më të dashur të Allahut xh.sh Muhammedit a.s. Pra, jemi pran natës së Isras dhe Miraxhit.
I nderuari xhemat, jam i bindur se shum hoxhallar para meje ua kan treguar këtë histori, poashtu jam i bindur se mediumet vizuale dhe mediumet e shkruara në internet jan të stërmbushura me tregimin e kësaj ngjarje, hoxhallar të ndryshëm folin për këtë çështje ku e informojn xhematin e vet dhe xhematin më të gjërë në mbar botën ku gjenden në lidhje me këtë të vërtet hisorike, megjithatë edhe unë vendosa ta përkujtoj veten dhe juve për këtë ngjarje të mrekullueshme islame.
Sa her që flitet për isran dhe miraxhin edhe pse kan kaluar 1400 vjet nga ndodhia e saj, ndëgjohet dhe flitet sikur të kishte ndodh dje, përshkak të madhështis së saj, për shkak të ndodhis së saj, për shkak të mesazheve që nxiren nga ajo, për shkak të urdhërit që na u bë obligim në të namazit, përshkak të lidhshmëris me Allahun, lidhshmëris me qyellin, për shkak të lidhshmëris dhe lartësimit të krijesës së quajtur njeri.
Andaj temën e sodit vendosa ta titulloj… “Israja dhe Miraxhi,mrekulli,bindje dhe dhurat nga Allahu xh.sh”
Që në fillim të ligjeratës sonë duam ta shpjegojm çka do të thotë fjala “Isra” , dhe çka do të thotë fjala “Miraxh”
Fjala Isra do të thotë udhëtim natën, ndërsa fjala “Miraxh” do të thotë Ngritje në qyell, andaj nga këto dy kuptime nënkuptojm udhëtimin e Muhammedit a.s për një pjes të natës prej mesxhidul harramit Mekkes (Qabes), deri në Mesxhidul Aksa (Palestin), dhe ngritjen e tij në qyell deri në sferat më të larta qyellore ku mendja e njeriut dhe as krijesat tjera melekët nuk kan mund të depërtojn deri në Sidretul Munteha.
Si u bë ky udhëtim si ndodhi më së miri na tregon Ai i cili e bëri këtë mrekulli Allahu xh.sh, dhe na lajmëron dhe na tregon në Kur’anin Famëlartë në Suretul Isra ajetin e parë sure kjo,e cila e mban po këtë emër të kësaj ndodhije.
All-llahu xh.sh thotë:
Pa të meta është Lartëmadhëria e Atij që robin e Vet e aloi në një pjesë të natës prej Mesxhidi Haramit (prej Qabes) gjer në Mesxhidi Aksa (Bejti Mukaddes), rrethinën e të cilës Ne e kemi bekuar, (ia bëmë këtë udhëtim) për t’ia treguar atij disa nga argumentet Tona. vërtet, Ai është dëgjuesi ( i fjalëve të Mu hamedit), pamësi (i punëve të Muhammedit).
Pra, vetë Allahu x.sh na tregon në librin e Tij Famëlartë se si ka ndodhur ky udhëtim,dhe se ky udhëtim I Muhammedit a.s dhe ngritja e tij nuk ndodhi nga vet Muhammedi a.s por atë udhëtim ja bëri Allahu xh.sh dhe ngritjen e tij edhe atë zgjuar jo duke fjetur, me trup dhe me shpirt.
Kjo ndodhi I nderuari xhemat ndodhi në vitet e fundit të Muhammedit s.a.w.s në Meke, konkretisht 1 apo 2 vjet para Hixhretit shpërnguljes për në Medine diku ka viti I 13 i shpalljes.
I Nderuri xhemat temën e sodit do ta sqarojm mbi disa pika:
1. Pse ndodhi Israja dhe Miraxhi
2. Kur ndodhi dhe si ndodhi
3. Çfarë pa Muhammedi a.s gjatë Isras dhe Miraxhit
4. Si e pritën Mushrikët dhe Muslimanët Isran dhe Miraxhin
5. Mësimet që nxjerrim nga Miraxhi.
Në lidhje me pikën e parë pse ndodhi israja dhe miraxhi ka dy çështje me rëndësi:
· Ajo ndodhi si qetësim, dhurat, përkdhelje për Muhammedin a.s përshkak se ai përjetonte vitin më të vështir të tij pasi që kaloi nëpërmes shumë sprovave, mërzijave dhe ky vit u njihte si viti i hidhërimit (Senetul-huzn), nga që pas bojkotit që ja bën mushrikët e mekkes Muhammedit a.s dhe besimtarve tjerë për tre vite me radhë, po në atë vit i vdes krahu i djathtë, mbrojtësi më i madh edhe pse nuk ishte musliman Ebu Talibi, tre muaj pas i vdes edhe mbrojtësja dhe inkurajusja më e madhe besimtarja e parë, nëna ebesimtarve Hatixhja r.a, poashtu në këtë vit u prit keq në taif ku u rah dhe u torturua, andaj deshti Allahu xh.sh që ta gostoj të dashurin e tij në pranine tij dhe tja zbuloj disa nga argumentet e Tij, ku do të shef shumë gjëra në këtë udhëtim.
· Dhe pika e dytë se pse nodhi Israja dhe miraxhi, ishte ajo që të definohen besimtarët nga mohuesit pabesimtarët, munafikat nga të sinqertit, përshkak se ishte e vështir të njihen dhe të definohen për nejrëzit ndërsa për Allahun ishte e lehtë. Andaj për ti dalluar u desht që Allahu xh.sh ta paraqes një ngjarje të tillë e cila nuk ishte e qartë edhe për disa besimtarë të cilët me të dëgjuar devijuan dhe u larguan nga radhët e Muslimanëve, si dhe është akoma e paqartë edhe për disa musliman sotë të cilët poashtu dalin nga radhët e islamit, edhe pse në kohën e sodit në krahasim me kohën në të cilën ndodhi kjo ngjarje është më e kuptueshme, shkaku se ne jetojm në kohën kur teknologjia ka aritur kulminacionin e saj, e çka mbetet që Allahu xh.sh si i vetmi Krijues dhe i vetmi shpikës të don të bën diçka, vetëm i thotë bëhu dhe bëhet.
Kur ndodhi dhe si ndodhi Israja dhe Miraxhi:
Ashtu siç thamë, Muhammedi s.a.w.s përjetonte vitin më të rëndë të jetës së tij kur gjatë bojkotit u dobësun shumë dhe vuajtën shumë, mushrikët (mekkasit), nuk lanë tortur pa u’a bërë, u bërën bojkot ku shkrujtën në muret e qabes se ndalohet çfarë do lloj tregëtije me Muslimanët, shitja blerja, martesa me ta dhënia dhe marrja, dhe ky bojkot zgjati plot tre vjet, ku nuk kishin më dhe çka me hëngër, saqë kryetarët e familjeve burrat kërkonin ndonjë lëkur të ndonjë gjallese për t’ua çuar fëmijëve të tij për të ngrën.
Vit i rëndë, sprov e rëndë por me bindje e durim e përballuan deri sa deshti Allahu xh.sh dhe i tha stop, u prish bojkoti. Mirëpo, pas bojkotit do të vije edhe sprova tjetër për Muhammed Mustafan kur do ta humb edhe mbrojtësin më të madh, krahun e tij të djatht i cili ishte mburoj mes tij dhe mushrikve Ebu Talibi, i cili do të ndron jetë. Kjo humbje do a shqetëson tej mase Muhammed Mustafan i cili do të ngel pa mbrojte të jashtme, por sprova nuk përfundon me kaq, menjëher pas një kohe të shkurt do ta humb edhe mbrojtësen tjetër, prehjen, besimtaren e parë të islamit nënën e besimtarve Hatixhen r.anha.
Mërzija ju shtua edhe më shumë, por ja që duhet të bënë durim, dhe Muhammedi a.s detirohet të shkon të bën thirje në islam në Taif me vete e mer shërbetorin e vet të vogël Zejd ibn Thabitin dhe shkon. Mirëpo, edhe atje nuk pritet mirë rihet gjuhet me gur saqë, i kullon gjaku. Duke qenë në atë gjendje ulet dhe bën lutje që Allahu t’i udhëzon, që pasardhësit e tire nga kurizi i tyre ti udhëzon në islam.
Duhet të kthehet Muhammed Mustafaja por, ku të kthehet?...Të kthehet atje ku më ska mbrojtës , ku se ka mixhën i cili edhe pse sishte musliman edhe pse do të dënohet me xhehenemm, ai prap se prap e mbronte.. më se kishte, të kthehet atje ku se kishte qetësuesen e madhe Hatixhen r.a.
U kthye dhe në kulminacion të mërzis deshti Allau xh.sh që ta qetëson robin e Tij dhe të dashurin e tij, dhe duke qëndruar në shtëpin e tij, ashtu siç e ka përshkruar vet Muhammedi a.s një natë as me gjum as pa gjumë vjen Xhibrili a.s por, nuk vjen ka dera si zakonisht po vjen ka catija ka tavani ku hapet catija dhe hyn Xibrili a.s, menjëher e kupton Muhammedi a.s se është një gjendje e jashtëzakonshme dhe do të ndodh diçka e madhe dhe e jashtëzakonshme.
Xhibrili a.s e përgëzon Muhammedin a.s me ftesë në prezenc të Allahut xh.sh me udhëtimin e isras dhe Miraxhit. Mirëpo, për këtë udhëtim u duheshte një pregatije një intervenim në zemrën e tij, andaj e shtriu Muhammedin a.s ja nxori zemrën ja pastroj duke ja nxjerur një pjes të mishit ku i tha kjo është pjes e shejtanit, pastaj ja pastroj me ujë zemzemi në një tas të rëndë ari si dhe ja vendosi përsëri.
Pas këtij operacioni,u pregatitën për udhëtimin e gjatë i cili do të bëhet për një pjes të shkurt të natës me një mjet i cili i priste jasht i quajtur burak, e cila ishte një kafsh, e si ishte ajo kafsh xhenneti Allahu e din më së miri e fjala Burak don të thot shëndritëse, pra ajo ishte një kafsh që kishte qime shëndritëse dhe shumë e shpejt saqë Muhammedi a.s thotë aq ishte e shpejt sa që hidhte hapin e saj sa i shifte shiqimi.
Udhëtuan prej Mekkes (Qabes), për në Palestin (Mesxhidul Aksa), udhëtim ky që normalisht duheshte 2 muaj udhëtim një muaj shkuarje një muaj ardhje.
Pa atë që pa gjatë rrugëtimit, dhe arriti në Mesxhidul aksa ku e pritnin të gjith Pejgamberët në Xhami, u takua dhe i pa gjith Pejgamberët, të cilët i shprehën mirëseardhje, dhe pas kësaj Xhibrili do ta urdhëron tu prin në namaz imam të gjith Pejgamberve, nga ku Muhammed Mustafaja u bë Imam i gjith Pejgamberis.
Pas përfundimit të namazit Xhibrili deshti ta provon Muhammed Mustafan kur ja nxori dy enë njërën me verë e tjetrën me quësht, dhe i tha urdhëro zgjidh, Muhammed Mustafaja zgjodhi qumshtin, andaj Xhibrili a.s i tha e zgjodhe të natyrshmen.
Pastaj dolën jasht ku i prite Buraku dhe në shoqëri të Xhibrilit a.s u nisën për Miraxh.
3.Çfar Pa Muhammedi a.s në Miraxh?
Kur ariti Muhammed Mustafaja me Xhibrilin a.s në qyellin e pare, rroja e qyellit pyeti kush është, Xhibrili a.s tha jam unë Xhibrili dhe kërkoj leje ti hapen dyert e qyellit, pyeti rroja kush është me ty ?
I tha Xhibrili a.s me mua është Muhammedi a.s. Tha rroja a ka ardhur si Pejgamber i tha Xhibrili a.s po.
U hap qyelli dhe shkuan në qyellin e pare ati takoi Ademin a.s babën e njerëzimit, i cili kur e kthente kryen në të djatht qeshte, kur e kthente kryen në të majt qante.
Pyeti Muhammedi a.s Xhibrilin kush është dhe pse qesh dhe qan.
Xhibrili a.s tha ky është Ademi a.s e kthen kryen në të djatht dhe qesh kur i shef bijt e tij besimtar duke hyrë në xhennet, dhe qan kur shef në të majtën e tij i shef njerëzit që hin në xhehennem.
Vazhdoi rrugën Muhammedi a.s së bashku me burkaun dhe Xhibrilin a.s për në qyellin e dytë kërkojn leje u hapet porta përshëndeten me selam dhe aty takon Isain a.s dhe Jahjën a.s e Zekerijën a.s.
Më pas vazhdon për qyellin e tret ku takon Jusufin a.s të cilit Allahu xh.sh i kishte dhënë bukuri saqë tha Muhammedi a.s ka ka dhënë gjysën e bukuris së Ademit a.s,
Vazhdoj për në qyellin e katërt ku takoi Idrizin a.s, vazhdoi për qyellin e pestë ku takoi Harunin a.s
Vazhdoi për qyellin e gjashtë ku pa Musain a.s, vazhdoi për në qyellin e shtatë ku pa Ibrahimin a.s i cili është stërgjyshi i Muhammed Mustafas për të cilin tha Ibrahimi më ngjante mua dhe e pa të mbështetur për Bejtul Meëmur (Qabja e qyellit), në të cilën hynin tha 70 mij melek për të bërë tavav dhe ata melek që hynin një her dhe më nuk hinin kur për her të dytë, saqë na bën të kuptojm se sa shumë melek ka krijuar Allahu xh.sh për ta adhuruar dhe ska nevoj për adhurimin tonë.
Vazhdoj udhëtimin Muhammedi a.s edhe më lartë deri tek Sidretul Munteha (Vendi më i lartë) deri ku arrin njohurija e Melekve dhe pas saj më sdin gjë vec Madhërija e Allahut xh.sh dhe Diturija e Tij depërton mbi të.
Sidretul Munteha ishte kufiri i i Xhibrilit a.s nga ku më nuk mundet të depëron. U ndal në atë vend ku Muhammedi a.s e pa në formën si e ka krijuar Allahu xh.sh i cili kishte 600 flatra.
Vazhdoj rrugëtimin Muhammedi a.s i vetmuar dhe depërtoj atje ku nuk ka depërtuar ansjë krijes me dëshirën dhe ndihmën e Allahut xh.sh dhe u takua dhe bisedoj me Nurin e Allahut xh.sh biseodj me Allahun xh.sh ku menjëher e shprehi Etehijatu lilahi vesalevatu vetajibatu (Përshëndetjet, Madhështija, urtësia, nimetet,dhuntit i takojn vetëm Allahut xh.sh) Allahu xh.sh ja ktheu : Es-selamu alejke ejuhen-nebiju we rahemtullahi we berekatuhu (Paqja mëshira rahmeti dhe bereketi i Allahut qoft mbi ty o i dërguar), vazhdoj Xhibrili dhe melekët tjerë duke thënë: Eselamu alejna ve ala ibadilahis salihin (Paqja mëshira rahmeti qoft mbi gjith ne dhe mbi robërit e devotshëm që bajn punë të mira. Dhë dëshmoj para Allahut xh.sh para madhështis së Tij se është i vetëm i pa shoq dhe se ai është i dërguari i Tij.
Allahu xh.sh si shpërblim sihariq për besimtarët ja dha 3 dhurata nga ato ja obligoj namazin, me 50 kohë namaz, pra nga miraxhi e kemi dhurat namazin dhe obligim i vetë cili u bë në qyell.
Por, në kthym e sipër në qyelline gjashtë u takua me Musain a.s i cili e pyeti se çka e kishte obliguar Allahu xh.sh? kur i tha se e obligoi atë dhe ummetine tij me 50 kohë namaz, i tha kthehu dhe kërko lehtësim nga Allahu xh.sh, sepse Ummeti jotë nuk munden ta bajn. E kam provuar me ummetin tim sun e kan bër.
Kthehet Muhammedi a.s dhe kërkon nga Allahu xh.sh lehtësim deri sa ja zbert 40, serisht kthehet, ja zbret 30, 20, dhe më pas në 5 namazedhe I tha se tek Allahu nuk ndryshon kush fal 5 kohë namaz e ka shpërblimin e 50 namazeve 1 me 10 si dhe për çdo punë e cila shpërblehet 1 me 10 ndërsa gjunahet gabimet 1 me 1.
Shpërblimet tjera që mori ishin Amene Resulidy ajetet e fundit te sures El-Bekare dhe mori garancin e Allahut xh.sh për faljen e Ummetit për të gjith ata që si bajn shirk Allahut xh.sh, sado mëkate tjera të ken bërë.
4.Si e pritën Mushrikët dhe Muslimanët Isran dhe Miraxhin
Mushrikët e pritën këtë lajm, me talljen më të madhe.Në Mëngjes Muhammed Mustafaja s.a.w.s ishte ulur dhe u mendonte se si t’ua kumëton lajmin për isran dhe miraxhin mushrikve të Mekkes!
Pa pritmas, aty pari kalon krye mushriku Ebu Xhehli, kaloi pranë Muhammed Mustafas, dhe kur e pa ashtu duke u menduar të mërzitur i tha: Çka kemi të re sot? A të ka shpallur diçka Allahu sotnga qyelli?
Muhammed Mustafaja i’a ktheu se sot ka diçka më interesante, kam udhëtuar natën prej Mekkes (Qabes), deri në Mesxhidul Aksa dhe pastaj jam ngritur në qyell.
Me të dëgjuar këtë Ebu Xhehli i tha, a ka mundësi ta thuahs këtë që po ma thu mua kur ti tuboj njerëzit e mi?
Muhammedi a.s tha po do t’ua them thirri.
Kur u tubuan të gjith dhe dëgjuan për udhëtimin e Muhammedit a.s, të gjithë filluan të tallen dhe thonin si ka mundësi ne këtë udhëtim e bëjm një muaj vajtje dhe një muaj ardhje.
Edhe disa musliman të cilët ishin të luhatur në besim nuk I besuan isras dhe Miraxhit, dhe kështu dolën nga radhët e Islamit.
U Pastruan radhët e Muhammed Mustafas nga dyftyrshat, dhe të luhaturit.
Edhe pse Muhamemd Mustafaja u pruri argumente të cilët I kishte pa gjatë udhëtimit, edhe pse ua përshkruajti Mesxhidul Aksan ashtu si kishte qenë në detaje, sepse Allahu xh.sh ja kishte parafytyruar xhamin para syve të tij si argument për mushrikët ata prap nuk besuan saqë, thane ky po na bën magji.
Ndërsa kur I treguan Ebu Bekrit r.a, me pretekstin se edhe aj do të devijon dhe nuk do ta prnaon këtë gjë dhe do ta lent ë vetëm Muhammed Mustafan s.a.w.s.
I Thanë ae ke ndëgjuar çka thotë shoku ytë sotë, po na tregon një çmenduri tjetër, kinse ka udhëtuar prej qabes (Mekkes), për në Mesxhidul Aksa (Palestin), edhe atë për një pjes të natës!
Ebu Bekri r.a tha: A e thotë ai këtë?
I thanë po vet ai e thotë eja dhe do ta dëgjosh.
Tha Ebu Bekri r.a: Nëse e thot5 ai këtë me të vërtet ka qen dhe unë i ebsoj plotësisht.
Unë kam besuar diçka më interesante, se i vjen shpallje nga qyelli dhe se i zbret meleku.
Nga ai moment Ebu Bekri e mori epitetin Es-sidik (I sinqerti) Ebu Bekër es-sidiku.
5.Mësimet që nxjerrim nga Miraxhi.
- Kur besimtari sprovohet, atë e don Allahu xh.sh dhe se herë do kur do ta shpërblen për durimin karshi sprovave…(Nëse një dyer të mbyllet, një tjetër të hapet).
- Besimtari me namaz dhe me vepra të mira me të cilat e knaq Allahun xh.sh arin gradën më të lart se melekët dhe bëhet rob i devotshëm All-llahut xh.sh.
- Besimtari gjithmon duhet që ta flet të vërtetën, mos të hik nga e vërteta edhe nëse ofendohet, poshtrohet apo torturohet.Ashtu siç e tha Muhammedi a.s të vërtetën kur Ebu Xhehli e ftoi gjith popullin, duke mos i lakuar fjalët dhe duke mos u lëkundur.
- Të fitojm bindje të fort ndaj namazit, dhe të kapemi fort për këtë urdhër sepse, namazi përveç që e dallon besimtarin nga jo besimtari, ai është miraxh për ne lidhje me qyellin, lidhje me Allahun xh.sh.
- Të besojm me bindje të fort ndaj mrekullive të All-llahut xh.sh, përshkak se Allahu xh.sh çka të dëshiron bën vetëm i thotë bëru dhe bëhet, e mos të luhatemi sepse vehet në pykëpyetje besimi jonë.
Në fund ti lutemi All-llahut xh.sh që ashtu siç kemi lindur Musliman, të jetojm si musliman dhe të vdesim si musliman. Tja dorëzojm shpirtin Allahut xh.sh me iman.
I lutemi Allahut xh.sh që namazin ta bën pjesë të pa ndashme të jetës tonë dhe t’na takon me Muhammed Mustafan dhe të gjith Pejgamberët në ahiret….Amiin
![[Hudbe islame] Ders i xhumas mbajtur në Xhamin e Frankenthalit 29.03.2019 Ligjerues: Ilaz.ef.Salihi Tema: “Israja dhe Miraxhi,mrekulli,bindje dhe dhurat nga Allahu xh.sh” Empty](https://2img.net/i/fa/empty.gif)
Thu 23 Mar 2023 - 2:31 nga 
![[Hudbe islame] Ders i xhumas mbajtur në Xhamin e Frankenthalit 29.03.2019 Ligjerues: Ilaz.ef.Salihi Tema: “Israja dhe Miraxhi,mrekulli,bindje dhe dhurat nga Allahu xh.sh” 17_1](https://2img.net/h/c00022506.cdn1.cloudfiles.rackspacecloud.com/17_1.png)
