Dr. Mursi bëhet presidenti i parë i dalë nga zgjedhjet e lira në vend, duke pasuar regjimin e disa dekadave të ish presidentit Husni Mubarak.

Muhamed Mursi ka bërë betimin para gjykatës se lartë të Egjiptit, duke pasuar kështu ish presidentin Mubarak pushteti i të cilit u përmbys 16 muaj më parë nga populli.

Dr. Mursi u bë kreu i pestë i shtetit Egjiptian që nga përmbysja e monarkisë rreth 60 vite më parë.

Ai bëri betimin sot para Gjykatës së Lartë Kushtetuese në ndërtesën që gjendet në breg të lumit Nil, gjykatë kjo që përngjan me tempujt e lashtë egjiptian.

Ai premtoi se do të respektoj kushtetutën dhe ligjin, dhe të mbroj popullin e Egjiptit. Pritet që Mohamed Morsi të flas në Universitetin e Kajros dhe më pas të vizitoj një bazë ushtarake në mënyrë që t’i jepet pushteti nga ushtria.

Dr. Mursi kishte kërkuar që ceremonia e betimit të bëhej para parlamentit, në përputhje me kushtetutën e përkohshme të vendit, por ushtria nuk lejoi këtë pasi kishte shpërbërë parlamentin një ditë para përfundimit të zgjedhjeve, pas një urdhri të gjykatës.

Gjithashtu është e paqartë se sa pushtet do të ketë presidenti i ri, pas disa dekadash dhunë e terrori nga ushtria që qeveriste me vendin ndaj Vëllazërisë Muslimane parti të cilës i përkiste Dr. Mursi para zgjedhjes së tij president./mesazhi/