/(u40u)Bakir%20Izetbegoviq%205415.jpg" border="0" alt=""/>Përfaqësuesi i boshnjakëve në Presidencën e Bosnjes, Bakir Izetbegoviq, fitoi vëmendje mediatike ditën e martë, nëpërmjet deklaratave në të cilat shprehej se nuk do të takojë presidentin e Serbisë, Tomislav Nikoliq, përsa kohë ky i fundit nuk do të njohë gjenocidin në Srebrenicë dhe konsiderimin e kryeministrit të Turqisë, Recep Tayyip Erdogan, si udhëheqësin e madh të boshnjakëve.

“Më vjen keq që nuk kam pasur mundësinë të takohem më parë me udhëheqës si Boris Tadiq, ndërsa takimi me Nikoliq është i mirëpritur, por vetëm pasi ai të pranojë gjenocidin në Srebrenicë dhe të tërheqë deklaratat për vdekjen e ngadaltë të shtetit boshnjak”, deklaroi Izetbehoviq, sipas Agjensisë Turke të Lajmeve, “Anatolia”.

Ndërsa konsideroi pakicën turke në vend si një “faktor stabilizues në Bosnje”, Izetbegoviq shtoi: “Janë të shumtë muslimanët që shikojnë Erdoganin si udhëheqësin e tyre, përfshi palestinezët apo boshnjakët”, transmeton TCH.

“Si të gjithë, edhe muslimanët kanë probleme globale dhe kërkojnë udhëheqësit e tyre. Një prej këtyre liderve botërorë, i cili lidhet më shumë me myslimanizmin dhe vlerat laike është Erdogani. Mënyra se si ai artikulon vlerat e islamit dhe pikëpamja mbi shumë çështje botërore, e shndërron atë në një lider të natyrshëm për ne”, vazhdoi djali i ish-liderit historik të boshnjakëve, Alija Izetbegoviq, njeriu që udhëhoqi vendin në luftën për pavarësi nga Jugosllavia.

Një vend i ndarë midis boshnjakëve muslimanë (45% e popullisë), serbëve ortodoksë (35%) dhe kroatëve katolikë (15%), Bosnja ka një sistem të veçantë Presidence, me një president të përgjithshëm, pushteti i të cilit kufizohet nga presidenti i secilës etni. Izetbegoviq është i zgjedhuri i boshnjakëve.