Mekka, qytet që vizitohet nga 15 milionë muslimanë vetëm gjatë kryerjes së haxhit dhe të umres, hynë në mesin e atyre qyteteve në botë, ku njerëzit më së shumti blejnë

Sipas të dhënave zyrtare, njerëzit më së shumti blejnë gjatë muajve të Haxhit dhe të Ramazanit.

Muslimanët, të cilët e vizitojnë Mekën në muajin e Ramazanit, gjatë qëndrimit të tyre një javorë, paguajnë afro tre mijë dollarë për një dhomë hoteli. Ramazanin e kaluar, muslimanët në Mekë dhe Medinë kanë shpenzuar afro tetë miliardë dollarë.

Kostoja vjetore e marrjes me qira të një hapësire afariste, 50 metra katrorë, në qendrat tregtare në afërsi të Qabes fillon nga 200.000 dollarë, ndërsa ato në qendrat më të vogla tregtare, të vendosura disa qindra metra larg Qabesë, fillojnë nga 100. 000 dollarë. Përfitimet e shtëpive të mallrave, të cilat punojnë deri 20 orë në ditë, arrijnë deri në disa miliardë dollarë.

Tregtarët janë kryesisht pakistanezë, indianë dhe jemenas, edhe pse të huajt në Arabinë Saudite nuk mund të marrin me qira hapësira komerciale në emrin e tyre. Të huajt duhet të gjejnë një arab si "garantues" që të jetojnë dhe të punojnë në Arabinë Saudite, çka do të thotë se një pjesë e fitimeve duhet t’i shkojë arabit që garanton për të huajin.

Në dyqane mund të gjeni absolutisht çdo gjë, sidomos në ato dyqane me mallra kineze. Sexhadet, tepihët, parfumet dhe hurmet janë produktet që tërheqin vëmendjen më të madhe të vizitorëve. Shpeshherë është e mundur të gjeni sixhade dhe të prodhimit turk.

Në qendrat tregtare afër Qabes mund të gjeni produkte të teknologjisë së fundit me çmime shumë të favorshme në krahasim me shtetet e tjera, sepse Arabia Saudite nuk ka taksa.