Imam Tirmidhiu transmeton një hadith i cili thotë: “Adhurimi më i mirë është pritja për të dalur nga situata e vështirë”. Në Kuran në kaptinën Hud, ajeti 81 thotë:” a nuk është mëngjesi afër?”.

Agimi lind për ata që kanë shqetësime dhe probleme serioze. Për këtë, prite agimin dhe fitoren nga Ai i Cili jep fitoren.

Arabët thonë:” Kur litarin e tërheqin shumë, patjetër këputet”.

Kjo fjalë e urtë na tregon se rezultati i shpëtimit pritet vetëm kur krizat dhe problemet janë në kulmin e tyre.

Allahu xh.sh thotë:

“Kështu këshillohet ai që i beson All-llahut dhe ditës së fundit, e kush u përmbahet dispozitave të All-llahut, atij Ai i hap rrugë, dhe e furnizon atë prej nga nuk e kujton fare. Kush i mbështetet All-llahut, Ai i mjafton atij, All-llahu realizon dëshirën e vet dhe All-llahu çdo gjëje ia ka caktuar kohën (afatin).

Ky është vendim i All-llahut që ua zbriti juve, e kush e ka frikë All-llahun, Ai atij ia shlyen të këqijat dhe ia shton shpërblimin”. (Talak 2-5).

Poetët arabë thonë:

“Errësirat shfaqen, por prapë drita depërton dhe të gjitha hijet harrohen”.

Në disa vargje tjera thuhet:

“Sa fitore kanë ardhur pas shumë mundimëve. Sa shumë fytyra kanë buzëqeshur pas shumë pikëllimëve. Kush e ka mendimin ma të bukur për Allahun, ai frutat më të mirë edhe nga gjembat i merr”.

Transmetohet nga Ebu Hurejre r.a se Muhamedi s.a.v.s ka thënë:” Unë jam në mendjen e robit tim, dhe robi im le të mendoj çfarë të dëshiron për mua”.

Thotë Allahu xh.sh:

“Derisa të dërguarit gati e humbnin shpresën (se do t’i besojë populli), dhe menduan se u përgënjeshtruan (pse ende nuk i kapi dënimi), atëherë u erdhi atyre (të dërguarve) ndihma Jonë. Ne e shpëtuam atë që deshtëm. E dënimi Ynë kundër popullit idhujtar nuk zbrapset”. (Jusuf 110).

“E, pa dyshim se pas vështirësisë është lehtësimi. Vërtet, pas vështirësisë vjen lehtësimi”.

(Inshirah 5-6).

Disa komentatorë të Kuranit thonë:” Nuk mundet vuajtja dhe vështirsia ti mund dy gjëra mposhtjen dhe lehtësimin". Disa e konsiderojnë këtë si hadith.

Kurani thotë:” Ti nuk e di, All-llahu pas asaj mund të të japë diçka rishtazi”. (Talak 1).

“Po ju menduat se do të hyni në xhennet, pa u provuar edhe ju me shembullin e atyre që ishin para jush, të cilët i patën goditur skamjet e vuajtjet dhe qenë tronditur, saqë i dërguari thoshte, e me te edhe ata që kishin besuar: “Kur do të jetë ndihma e All-llahut”?! Ja (u erdhi ndihma) vërtet ndihma e All-llahut është afër”!. (Bekare 214).

“Mos bëni çrregullime në tokë pas rregullimit të saj (me të ardhur të pejgamberëve) dhe luteni Atë duke pasur frikë (dënimin) dhe duke shpresuar (mëshirën). S’ka dyshim se mëshira e All-llahut është pranë atyre të mirëve”.

(Earaf 56).

Në një hadith autentik thuhet: "Dije se ndihma vjen pas durimit dhe shpëtimi pas vështirsisë."

Poeti thotë:” "Kur ju jeni në ankth, shpreso në shpëtim ngase shpëtimi është më afër kur je më vështirë”.

Shpirti im është në dëshpërim dhe lotet po me rjedhin . Papritmas, errësirat u shpërndanë dhe pas të keqes erdhi shpëtimi.

Ndonjëherë jemi zgjuar, e nganjëherë ëndërrojmë, ndonjëherë kemi plot thesare, e ndonjëherë nuk kemi. Kalojmë nëpër të gjitha ankthet dhe mankthet, të cilat gjithashtu mund të të çojnë në marrosje. Nëse All-llahu ka qenë sot i mjaftueshëm, dije që me siguri do të jetë edhe ditën e nesërme.

Lëre fatin të ec nëpër stazen e vet, ngase për të brengosen vetëm budallenjët. Mes çdo durimi Allahu na i ndryshon situatat”.

Aid el Karni

Përktheu: Shpend Hulaj