Kryeministri Rexhep Tajip Erdogan sot pasdite dhe në darkë iu drejtua me 4 fjalime qytetarëve që kishin dalë për ta pritur dhe uruar mirëseardhjen në Ankara pas një turneu në Afrikën e Veriut.

Në fjalën që mbajti në parkun “Altınpark” Kryeministri Rexhep Tajip Erdogan kritikat i dërgoi sërish në adresë të lobit të interesave bankare dhe u këshilloi qytetarëve që ti depozitojnë kursimet në bankat e shtetit.

“Protestat nuk kanë të bëjnë me çështjen e parkut Gezi”, tha Erdogan dhe vijoi: “Ne jemi gati të dëgjojmë çdo rekomandim, por në qoftë se ju do të ndiqni rrugën për një lëvizje të ngjashme me atë jeniçerëve, atëherë na vjen keq por..”.

Çështja nuk ka të bëjë me ngjarjen në parkun Gezi në Stamboll. Nuk ka të bëjë me shkuljen e 15 pemëve në park. Pa i pyesni këta (protestuesit) ‘a keni ardhur në parkun Gezi para fillimit të ngjarjeve?’ Ata as që e kanë dëgjuar emrin e pakut Gezi. Unë kam lindur aty, jam nga lagjja e Kasimpashës.

Do të shtypeni poshtë kësaj

“Shikoni se çfarë thonë, thonë që Bursa e Stambollit u shemb. Në qoftë se shembet Bursa e Stambollit nuk është Rexhep Tajip Erdogani ai që do të mbetet poshtë saj, por do të jeni ju” tha shefi i qeverisë së Ankarasë duke iu drejtuar lobit interesaxhi (përfitues).

Mos i rigjallëroni plaçkitësit

“Del njëri dhe thotë se nuk është as i djathtë, as i majtë, thotë se është plaçkitës. Atëherë ta gëzojë. Kujdes mos i rigjallëroni këta plaçkitës. Këta janë nga ata që e kanë kaluar jetën mbi kurrizin e këtij populli. I takon këtij populli që ti tregojë vendin atij që fyen këtë vend”, nënvizoi kryeministri Erdogan.

Ju jeni ata që do t’ia mbyllni rubinetin lobit interesaxhi

“A e dini se kush ka fituar më shumë para këtë vit? Lobi i interesave, lobi përfitues. Ju do t’ia mbyllni rubinetin këtij lobi. Sa herë që ulet norma e interesave bankare këta zotërinj na shqetësohen. Në këtë vend ka edhe banka shtetërore nga të cilat mund të përfitoi edhe ju. Unë ju them vetëm një gjë, bankat shtetërori, shkoni tek bankat shtetërore”, tha Erdogan.

Si repartet e jeniçerëve

“Por në qoftë se ju i hyni një rruge të ngjashme me atë të reparteve jeniçere, atëherë nuk kemi se çfarë të bëjmë. Ju nuk mund të komandoni, të na thoni ‘shkarko atë e këtë prefekt’, ‘shkarko këtë drejtor police’. Në qoftë se keni këshilla e rekomandime, përcillini. Atëherë edhe ne i marrim ato në konsideratë dhe i vlerësojmë. Por mos harroni se kjo qeveri u shërben të 76 milionë banorëve që ka vendi”, cilësoi Kryeministri Erdogan.(trt)[justify]