![Erdogan akuzon standardet e dyfishta në Egjipt (u59u)erdoan%20future](https://2img.net/h/www.mesazhi.com/modules/news/images/option6/(u59u)erdoan%20future.jpg)
Kryeministri turk Rexhep Tajip Erdogan akuzoi vendet perëndimore dhe ato arabe për përdorimin e standardeve të dyfishta, që nënkupton mosdënimin e përmbysjes së presidentit egjiptian Muhamed Mursi.
Erdogan tha se vendet të cilat përqafojnë demokracinë nuk duhet të sillen me standarde të dyfishta ndaj këtyre ngjarjeve, dhe duhet ta bëjnë të ditur se kjo është e gabuar.
"Askush nuk duhet të bëjë kompromis mbi demokracinë, ne duam të shohim shtylla të forta të paqes dhe demokracisë," tha Erdogan.
Erdogan pyeti se pse bota qëndroi e heshtur kur të paktën 99 njerëz kanë vdekur nga dhuna ushtarake.
"Pse nuk jeni duke ngritur zërin? Çohuni, flisni kundër kësaj.”
Turqia ka dalë si një nga kritikët më të ashpër ndërkombëtar të grusht shtetit të papranueshëm.
Edhe pse Shtetet e Bashkuara ka shprehur “shqetësim” rreth largimit të Mursit, ajo nuk e ka quajtur atë një grusht shteti, gjë e cila mund të ketë çuar Egjiptin në sanksione.
Ndërsa shtetet arabe të Gjirit, të cilat e shohin Egjiptin si një aleat strategjik kundër çdo kërcënimi jo-arab, festuan largimin e presidentit të parë të zgjedhur me vota të lira.