Pyetja: Dëshiroj prej jush o shejkhu ynë,që të më drejtoni një këshillë për hir të Allahut në lidhje me Fenë dhe sjelljen time, ashtu sikurse këshilloni një prej vajzave tuaja. E shpresoj këtë nga ju.
Përgjigja: Ju dashtu Allahu për hir të Cilit më doni. Pejgamberi (sal-lAllahu alejhi ue sel-lem) na ka treguar se ata që duhen për hir të Allahut, bëjnë pjesë tek 7 kategoritë që janë nën Hijen e Allahut, Diten kur nuk ka hije veç Hijes së Tij.
Ka thënë Pejgamberi (sal-lAllahu alejhi ue sel-lem): “Shatë kategori njerëzish do të jenë nën hijen e Allahut, Ditën kur nuk do të ketë hije veç Hijes së Tij.” Këtu ka përmendur: “Dy persona të cilët duhet për hir të Allahut; takohen dhe ndahen për hir të Tij.”
Poashtu Pejgamberi (sal-lAllahu alejhi ue sel-lem) na ka treguar se Allahu (azze ue xhel-le) thotë Ditën e Gjykimit: “Ku janë ata që duhen për hir të Madhështisë Sime. Këtë Ditë do t’i fus nën Hijen Time, Ditë ku nuk ka hije veç Hijes Sime.”
Dashuria për hir të Allahut, është prej vyrtyteve më të larta të imanit, dhe prej adhurimeve me të mira.
Këshilla ime për ty o motra ime, dhe për motrat e tjera; t’i frikësoheni Allahut në çdo rast. Të jesh korrekte (el Isikameh) në Fenë e Allahut (subhanehu ue teala), të duash dhe miqësohesh për hir të Tij,
të sillesh me njerëzit me moral të mirë, të kryesh obligimet që ke ndaj prindërve, të ruash lidhjet fisnore sipas mundësisë dhe të ruash kohën siç duhet. Shpeshtoje perkujtimin (dhikrin) e Allahut (subhanehu ue teala). Kështu duhet të jetë besimtari, dhe kështu duhet të jetë besimtarja. Koha duhet ruajtur, në mënyrë që të shfrytëzohet në adhurimin dhe përkujtimin e All-lahut. Porosis që të ruhen gjymtyrët nga të bërit gjynah dhe ta adhurosh All-llahun sa më shumë, sikurse thotë All-llahu (azze ue xhel-le):
إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ (30) نَحْنُ أَوْلِيَاؤُكُمْ فِي الْحَيَاةِ الدُّنْيَا وَفِي الْآَخِرَةِ وَلَكُمْ فِيهَا مَا تَشْتَهِي أَنْفُسُكُمْ وَلَكُمْ فِيهَا مَا تَدَّعُونَ (31) نُزُلًا مِنْ غَفُورٍ رَحِيمٍ (32)
“Vërtet atyre që thonë: “Zoti ynë është Allahu”, e pastaj vazhdojnë të vendosur në rrugën e drejtë, do t’u zbresin melaiket (para vdekjes) e do t’u thonë: “Mos u frikësoni dhe mos u pikëlloni! Dhe gëzojuni Xhenetit që ju është premtuar. Ne jemi mbrojtësit tuaj në jetën e kësaj botë dhe në botën tjetër. Atje do të keni çfarë t’ju dëshirojë zemra dhe çfarë kërkoni, dhuratë e pasur prej një Zoti Falës dhe Mëshirëplotë.” Fussilet: 30-31
Ky është shpërblimi për atë që i qëndron korrekt Fesë së All-llahut gjatë ditës, natës dhe gjatë gjithë kohës.
Ruajtja e gjymtyrëve nga gjynahet, angazhimi i gjuhës dhe gjymtyrëve në adhurim dhe përkujtim të All-llahut, mosshkelja e kufijve të All-llahut, dashuria dhe urrejtja për hir të Tij, miqësimi dhe armiqësimi për hir të All-llahut, lëmosha për hir të Tij, kryerja e detyrimeve që ke ndaj prindërve,të afërmve, komshinjve dhe vëllezërve muslimanë; kjo është porosia ime për ty dhe për muslimanet tjera. Këto janë prej veprave të devotshme të cilat u përmendën pak më parë. Të porosis që të përpiqesh të kryesh detyrimet tuaja në çdo kohë dhe çast. Gjithashtu të porosis të ruash kohën nga gjërat boshe, të angazhohesh me përkujtim të All-llahut dhe adhurimin të Tij (subhaneHu ue teala). E lusim All-llahun që t’i japë sukses dhe udhëzim të gjithëve.
Hitskin.com
Thu 23 Mar 2023 - 2:31 nga 
Titulli: Keshille per motrat muslimane...Shejh Bin Bazi 
