Një burrë pa një brumbull duke bërë një top nga bajgat e kafshëve ndërsa ishte ulur në kopshtin e tij një ditë. Ndërsa brumbulli po rrotullunte me këmbët e tij topin e bërë nga bajga i cili ishte disa herë më i madh se vetë brumbulli, burri tha me vete:
"O Zot! Ke krijuar gjithçka aq të bukur dhe të mirë, por këtë brumbull vetëm për t'u marrë me bajga pse e ke krijuar?"
Disa muaj më vonë, burri pësoi një sëmundje të pashpresë. Askush nuk arriti ti gjejë kurë për t'u shëruar.
Më në fund, një mjek i mençur i tha:
"Nëse ke vënë re një brumbull që endet nëpër kopshte. Rrumbullakon bajgat me këmbët e tij. Pikërisht nëse do që të shërohesh duhet të hash nga ato topat që rrokullis brumbulli për 40 ditë rresht."
Burri u detyrua të hante për 40 ditë më rradhë nga topat e bajgave dhe u shërua.
Me kalimin e viteve, burri hipi në anije dhe gjatë udhëtimit i kapi një stuhi e madhe në mes të detit. Ndërsa të gjithë bërtisnin dhe qanin, burri ulët në nje vend dhe fillon të hajë një mollë me qetësi. Dikush prej udhëtarëve që po bërtiste me të madhe i thotë;
"Ne lutemi krah për krah dhe bërtasim nga frika, çfarë është kjo qetësi tek ju, o burrë!"