Gjarpri i saj, katër metra i gjatë, papritmas ndaloi së ngrëni. Kjo mungesë oreksi te gjarpri vazhdoi për disa javë. Gruaja e shqetësuar u përpoq ta ushqente, duke i ofruar gjithçka të gjallë që një gjarpër do të donte ta mbyste dhe ta hante, por pa sukses.
Gruaja e dëshpëruar vendosi që kafshën e saj të dashur ta çonte te veterineri.
Pasi dëgjoi të gjithë historinë dhe dhimbjen e gruas, veterineri e pyeti: "A fle gjarpri natën me ty? A të mbështillet, të afrohet shumë dhe shtrihet me gjithë gjatësinë e tij?"
E habitur, gruaja u përgjigj me shumë shpresë: “Po! Po! Ai e bën atë çdo natë dhe kjo më bën shumë të trishtuar, sepse shoh që ai po më kërkon diçka dhe unë nuk mund ta ndihmoj të ndihet më mirë”.
Veterinari u përgjigj me një ton shqetësues: "Zonjë, pitoni juaj nuk është i sëmurë, po përgatitet t'ju hajë".
Ai, çdo herë, duke u zvarritur dhe "përqafuar", duke u mbështjellë rreth trupit tuaj, kontrollon madhësinë tuaj, sa e madhe jeni dhe sa i madh duhet të jetë ai para se t’ju sulmojë. Prandaj, ai nuk hanë, që të ketë hapësirë të mjaftueshme për t'ju tretur më lehtë pasi t’ju mbysë dhe t’ju gëlltisë.


Mesazhi i tregimit:

Ne duhet t’i njohim gjarpërinjtë rreth nesh dhe qëllimin e tyre të vërtetë. Fakti që dikush na qëndron afër dhe shpeshherë na "përqafon" dhe na “do”, nuk do të thotë se qëllimet e tij janë të mira.