Admin Administrator
Numri i postimeve : 8520 Data e regjistrimit : 02/07/2009 Mosha : 42 Nacionaliteti-Sheti : Tetovë-Maqedoni
| | (Tregime Islame) Mbreti dhe plaku i urtë | |
Një herë e një kohë në një mbretëri jetonte një plak i urtë dhe besimtarë.Me të dëgjuar për urtësinë dhe devotshmërinë e plakut ndaj Zotit, mbreti vendosi ta ftonte në pallatin e tij.Pasi e gostiti dhe e nderoi mirë, mbreti vendosi ta vë në siklet plakun, dhe e pyeti:“Kam dëgjuar për urtësinë dhe devotshmërinë tënde ndaj Zotit, prandaj kam tre pyetje dhe pres të më përgjigjesh për secilën prej tyre? Pyetja ime e parë është: Ku jeton Zoti? Pyetja e dytë është: Kë shikon Ai? Ndërsa pyetja e tretë është: Çfarë mund të bëjë Ai?”Plaku i ndier pak në siklet, mblodhi veten dhe tha: “Gjithsesi madhëria juaj, por si fillim kam nevojë të ma sillni një gotë me qumësht.”Mbreti urdhëroi shërbëtorët t’ia sillnin gotën me qumësht.Plaku futi gishtin në gotë dhe filloi ta lëvizë sa andej sa këtej.“Pse po e bën këtë?” pyeti mbreti i habitur.“Kam dëgjuar që qumështi brenda ka gjalpë, por me sa shoh, nuk paska”, u përgjigj plaku.Mbreti qeshi dhe i tha: “Sigurisht që ka gjalpë, por si fillim duhet ta tundësh qumështin që të shohësh gjalpin.”Plaku i urtë ia ktheu: “Kjo është përgjigja e pyetjes së parë madhëri juaj, Zoti ekziston gjithandej në çdo gjallesë, por ashtu sikurse qumështi që duhet tundur për të parë gjalpin, ashtu nevojitet devotshmëria që të ndjesh Zotin.”Mbretit i pëlqeu përgjigja dhe i kërkoi t’i përgjigjej pyetjes së dytë.“Tani më sillni një qiri të ndezur”, tha plaku.Pasi ia sollën, ai tha: “Madhëri jua, më thoni në cilin drejtim shkon drita e këtij qiri?”“Drita e tij shkon në të gjitha drejtimet”, tha mbreti.Plaku i urtë vazhdoi: “Kjo është përgjigja për pyetjen e dytë, Zoti është i plotfuqishëm dhe ai i shikon të gjitha veprimet e qenieve të gjalla pa përjashtim.”I kënaqur edhe me përgjigjen e dytë, Mbreti mezi priste për përgjigjen e pyetjes së tretë.“Për të të dhënë përgjigjen e pyetjes së tretë, kam nevojë të ulem në fronin tuaj ndërsa ju të qëndroni para meje”, i tha plaku.Kjo gjë nuk i pëlqeu aspak mbretit, por nga kurioziteti për ta dëgjuar përgjigjen, ai pranoi. Ia liroi fronin plakut dhe vetë qëndroi pranë tij si një i varfër.I ulur në fronin e mbretit, plaku tha: “Madhëri juaj, ju deshët të dini se çfarë mund të bëjë Zoti, prandaj unë po ju them se Zoti një të varfër mund ta bëjë mbret dhe një mbret mund ta kthejë në një të varfër.” | |
|