Admin Administrator
Numri i postimeve : 8520 Data e regjistrimit : 02/07/2009 Mosha : 42 Nacionaliteti-Sheti : Tetovë-Maqedoni
| Titulli: Dersi i pare ne Xhamine e Frankenthalit: Tre ceshtje me rendesi ne Ramazan Wed 22 Mar 2023 - 23:29 | |
| DERSI I PARE TRE CESHTJE ME RENDESI NE RAMAZAN 1. Çka do të thotë fjala Ramazan? 2. SI PERCAKTOHET RAMAZANI? 3. CKA DOMETHENE FJALA TERAVI 1.Ramazan rrjedh nga rrënja e foljes arabe “ramida” ose nga “arramad” dhe do të thot: rërë e nxehtë dhe e thatë. Nga e njëjta buron edhe “ramdaa” që do të thot: rërë e djegur nga dielli. Kjo lidhet me ndjenjën e mbrendshme të lukthit, që ngjet në nxehje dhe djegje të mbrendshme e cila vjen nga etja. Disa komentojnë pak më ndryshe dhe thonë, ramazani është titulluar me këtë fjalë sepse sikur që e djeg dielli rërën në shkretëtirë, ashtu i djeg gjynahet agjërimi në trupin e njeriut. Në ramazan trupi dhe shpirti janë më të gatshëm për kontakt Allahun shti siç është në tokë guri dhe rëra për nxehtësinë e diellit pa ndonjë pengesë. Pra në këtë formë ndihmon ramazani besimtarit që të bëhet një ripërtrirje në trupin dhe shpirtin e tij, e pas ramazanit të fillojë një jetë e ripërtrirë dhe e freskët. 2.Si percaktohet Ramazani? Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut! Dispozita juridike islame se muaji i ri hënor është obligim të caktohet përmes shikimit të hënës së re me sy të lirë (kur një gjë e tillë është e mundur), është një fakt thuajse konsensual në mesin e juristëve muslimanë Kurse në rastin kur hëna e re nuk shikohet me sy të lirë, atëherë ajo duhet përllogaritur bazuar në transmetimin profetik: “Por nëse ajo (hëna e re) u mbulohet (u dalin pengesa për ta shikuar), përllogariteni atë (hënën e re).”1 Mbështetur në interpretimin që juristët muslimanë i bëjnë fragmentit “përllogariteni atë (hënën e re)” të këtij transmetimi profetik, mendimet kryesore të ardhura në këtë kontekst janë si vijon: Së pari: Kur hëna e re nuk shikohet dhe nata është e kthjellët / me re Rasti i parë: Nëse hëna e re nuk shikohet dhe nata është e kthjellët (pa re), muaji ekzistues përllogaritet 30 ditë Nëse hëna e re e muajit të ri nuk shikohet (në natën e supozuar si nata 30-të e muajit hënor ekzistues) dhe qielli këtë natë është i kthjellët, hëna e re e hyrjes së muajit të ri përllogaritet duke e plotësuar muajin ekzistues në vlerën më të madhe numerike të ditëve të tij, pra 30 ditë. Ky është edhe mendimi parësor (superior), që përbën mendimin e masës dërrmuese të juristëve muslimanë (përfshirë imamllarët e mëdhenj: Ebu Hanifen, Malikun, Eth-Theurin, Shafi’iun, El-Euzaiun, Ahmedin dhe thuajse të gjithë dijetarët e hadithit).Lexoni më tepër Rasti i dytë: Nëse hëna e re nuk shikohet dhe nata është me re Mendimi i parë: Nëse hëna e re e muajit të ri nuk shikohet (në natën e supozuar si nata 30-të e muajit hënor ekzistues), sidoqoftë qielli këtë natë, i kthjellët a me re; hëna e re e hyrjes së muajit të ri përllogaritet duke e plotësuar muajin ekzistues në vlerën më të madhe numerike të ditëve të tij, pra 30 ditë. Ky është edhe mendimi parësor (superior), që përbën mendimin e masës dërrmuese të juristëve muslimanë (përfshirë imamllarët e mëdhenj: Ebu Hanifen, Malikun, Eth-Theurin, Shafi’iun, El-Euzaiun dhe thuajse të gjithë dijetarët e hadithit).Lexoni më tepër Mendimi i dytë: Nëse nuk shikohet hëna e re dhe nata është me re, muaji ekzistues përllogaritet 29 ditë Mendimi i një grupi sahabësh (shokëve të Profetit) dhe tabi’inësh (gjeneratës pas sahabëve), imam Ahmed Ibn Hanbelit, Tausit etj. është se kur qielli i perëndimit të ditës së 29-të të çdo muaji hënor nuk është i kthjellët (është me re a ngjashëm) dhe hëna e re s’mund të shihet me sy të lirë, në këtë rast hëna e re llogaritet të jetë pas reve dhe muaji ekzistues përllogaritet në vlerën më të paktë (vogël) numerike të ditëve të tij, pra me 29 ditë; prandaj në këtë rast dita e parë e muajit të ri vijues fillon automatikisht në të gdhirë të ditës që vjen. Ekzaminimi i mendimit të dytë: Ky mendim është i dobët Mendimi në fjalë hidhet poshtë nga transmetimet e sakta ku vjen se për rastin në fjalë muaji ekzistues plotësohet me 30 ditë5. 3.Cka eshte Teravija dhe sa Rekat falen? Nga pjesët përbërëse, plotësuese të muajit të Ramazanit janë edhe teravitë. Janë dhuratë e begati e veçantë nga Allahu që e ka mvesh me këtë muaj me to. Gjithashtu edhe syfyri e iftari janë nga begatitë e mëdha, jo vetëm për të ngrënë mirëpo begati për nga fitimi i shpërblimeve. Pejgamberi ﷺ e ka quajtur syfyrin ushqim i bereqetshëm, ndërsa për iftarin ka treguar se agjëruesi e ka një lutje që nuk i kthehet andaj le të lutet. Kështu që i gjithë muaji është me begati, 24 orë nata e dita janë plot begati në Ramazan. Pjesë e tij është edhe namazi i teravive e që Pejgamberi ﷺ ka thënë: “Ai që fal namaz nate (teravitë sipas dijetarëve) gjatë Ramazanit me bindje dhe me kërkim shpërblimi tek Allahu i falen gjynahet.” Pra njëra nga shkaqet e faljes së gjynaheve janë falja e teravive, ato janë një e mirë e madhe. Teravitë është sunet të mos lihen pa u falur as nga burrat musliman dhe as nga gratë muslimane pavarësisht se a i fal ato në xhami apo në shtëpi. Gratë është më mirë t’i falin në shtëpi, ndërsa burrat në xhami së bashku me jacinë. Pastaj sa i përket pytjes se sa rekate të falen, të falen aq rekate sa i fal edhe imami. Tek shumica dërrmuese e dijetarëve si dhe tek katër medhhebet, tek shumica absolute e tyre teravitë janë 20 rekate. Ajo që keni përmendur 33 rekate është mendimi i Imam Malikut, madje edhe 36 e 37 i kanë falur domethënë më herët. Që nga koha e Omerit (Allahu qoftë i kënaqur me të!) falen nga 20 rekate dhe shumica e ulemave janë pajtuar me këtë në katër anët e botës. Nuk prishë punë edhe nëse falen më pak apo më shumë. Nëse dikush vendos të fali vetëm 11 rekate nuk ka ndonjë problem vetëm se duhet të jetë në pajtueshmëri xhemati me imamin. Edhe nëse duan të falin 14 (me vitrin 15) përsëri nuk ka ndonjë problem por më e mira është falja e 20 rekateve, sepse për çdo afrohesh tek Allahu dhe për çdo rukuafrohesh e ngritesh tek Allahu. Andaj nuk është njësoj si të falësh 8 rekate dhe si të falësh 20, mirëpo mos obligoni askënd.Tek ne zakonisht, por edhe në mbarë botën në shumicën e vendeve falen nga 20 rekate. Por nëse ju ndjeni lodhje apo thjesht nuk mund të vazhdoni të faleni më gjatë mund të dalësh pas 8 rekateve apo 10 rekateve, varësisht se a falen nga 2 apo 4 rekate (nuk prishë punë të falen nga 2 apo nga 4). Pusho, merr abdes, pi ujë dhe kthehu përsëri e vazhdo namazin me xhemat deri në fund. Ritheksojmë se teravitë janë sunet. | |
|