Shumë muslimanë e kuptojnë me sinqeritetin vetëm atë që lidhet me gjuhen, por besimtari duhet te jetë i sinqertë në gjuhë, në zemër dhe në punë.
Sinqeriteti është një shpatë në dorën e besimtarit, kudo qe ta vendosësh pret pengesat që të pengojnë drejt rrugës së Allahut të Lartësuar.

Sinqeriteti të dhuron qetësi në zemër, kthjelltësi në mendime, ndërsa gënjeshtra të shkakton shqetësime dhe lëkundje, dyshime .
Allahu i Madheruar në Kur`anin famelarte thotë:

1. 1“-O ju që besuat ta keni frikë Allahun dhe të jeni të sinqertë .“
   
2. ”-Dhe ata nuk janë urdhëruar me tjetër veç se që ta adhuronin Allahun me një adhurim të sinqertë ndaj Tij”.
   

Pejgamberi a.s. ka thënë: “Sinqeriteti të udhëzon për në mirësi dhe mirësia të udhëzon për në xhennet, dhe nëse një njeri vazhdon të thotë të vërtetën derisa të shkruhet tek Allahu i sinqertë, ndërsa gënjeshtra të dërgon drejt të keqes dhe e keqja të dërgon ne xhehennem dhe nëse një njeri vazhdon të gënjejë ai do të shkruhet tek Allahu gënjeshtar.”

E pyesin të Dërguarin e Allahut se nëse dikush shkon në lufte dhe nuk ka si qëllim shpërblimin e Allllahut por lëvdatat e njerëzve për heroizmin e tij çfarë shpërblimi ka? Pejgamberi a.s tha: “Nuk ka si shpërblim asgjë dhe e tha tri herë, sepseAllahu i Lartësuar nuk pranon punën perveç nëse është e sinqertë për Të”. Gjithashtu Pejgamberi a.s ka thënë: “Gjëja që kam më shume frikë për ju është shirku i vogël”. Kur
e pyetën se c`është shirku i vogël ai u përgjigj: “Hipokrizia. Ditën e Gjykimit Allahu do të thotë shkoni merreni shpërblimin prej atyre për hatër të cilëve e vepruat veprën dhe shikoni se a do te gjeni ndonjë gjë”.
Të parët që do të pyetën në Ditën e Gjykimit janë:
-Njeriu që Allahu i ka dhënë dituri. All-llahu i thotë: “Çfarë punove me atë qe mësove?” Ai pergjigjet: O Zoti im, une punoja me të ditën edhe natën. Allahu i thotë: “Gënjen dhe melekët i thonë gënjen, ti doje që njerëzit të thërrasin dijetar dhe ashtu të kanë thirrur”.
-I dyti është një njeri që All-llahu xh.sh i ka dhënë pasuri. All-llahu i thotë: “Çfarë bëre me pasurinë që ta dhashë? Ai përgjigjet: O Zoti im unë e ndaja pasurinë sadaka ditën dhe natën, All-llahu xh.sh ia kthen:
“Gënjen dhe melekët i thonë gënjen, ti doje që njerëzit të lavdëronin që ti je bujar dhe ashtu u tha për ty në dynja”.
-I treti është një njeri që është vrarë në rrugën e Allahut, dhe Allahu e pyet: “ Çfarë bëre ne dynja?” Ai përgjigjet: “O Zoti im, ti urdhërove që ta mbrojnë fenë dhe vendin dhe unë shkova e luftova derisa u vrava. All-llahu xh.sh. i thotë: “Gënjen dhe melekët i thonë gënjen, ti doje që njerëzit të thonë se je trim, dhe ashtu është thënë”.
Ebu Hurejra r.a. thotë që Pejgamberi a.s. vuri dorën e Tij mbi gjurin tim dhe tha: “Këta janë tre krijesat e para që All-llahu xh.sh. do ti fus në zjarrin e xhehennemit”.
Sinqeriteti është pranvera e shpirtit dhe fryti i tij është rrezatimi i ndërgjegjes.