Haxhi 2011
Mbi tre milionë haxhilerë sot në Mina
Publikuar me: 4 Nentor, 2011 | 22:33 | (Komente: 0)
Sot, e premte 4/11/2011, haxhilerët i janë drejtuar Minasë, për të kaluar ditën e Tervijes, si parapërgatitje për qëndrimin e nesërm në Arafat.
Sonte, haxhilerët do e kalojnë natën në Mina, për tu nisur të nesërmen herët drejt Arafatit, për të kryer ritin më të madh.
Autoritetet saudiane i kanë marrë të gjitha masat për pritjen e haxhilerëve, numri i të cilëve i kalon tre milionë, në këto vende të shenjta. Në çdo cep të Minasë, janë instaluar forca të rendit, ekipe të ndihmës së shpejtë si dhe shumë orientues të haxhilerëve.
Ministri i shëndetësisë i Arabisë Saudite, ka bërë me dije se institucioni i tij ka mobilizuar mbi njëzet mijë kuadro në shërbim të haxhilerëve. Që nga fillimi i sezonit të Haxhit, janë kryer dyqind operacione të ndryshme për haxhilerët, ku dymbëdhjetë kanë qenë kardiake.
Ai tha se rendi dhe shëndeti i haxhilerëve janë primare për autoritetet saudiane dhe se gjer tani nuk janë shënuar raste epidemish.
Hitskin.com
Thu 23 Mar 2023 - 2:31 nga 
Titulli: Haxhi 2011 Mbi tre milionë haxhilerë sot në Mina 
