Ky rast është shqetësues për faktin se ka ndodhur në natën e festës së Kurban Bajramit, me qëllim që ta prish atmosferën festive të kësaj feste të madhe fetare

Më datë 05.11.2011, në ora 21:42 pas faljes së namazit të Jacisë, persona të panjohur tentuan t’ia vënë zjarrin xhamisë Kusarëve në Gjakovë, duke hedhur një shishe me benzinë, të ndezur në drejtim të xhamisë, por për fat të mirë nuk ka mundur të godasë – qëlloi objektin e xhamisë për shkak të distancës prej vendit të hedhjes gjer te objekti – xhamia, apo ndoshta është diktuar me kohë nga kalimtarët e rastit, të cilët kanë vërejtur një makinë të tipit Kadet, me drita të fikura dhe me një shpejtësi të madhe ka ikur nga vendi i ngjarjes, të cilët kanë arritur t’ia marrin vetëm disa prej numrave të targës.

Pas marrjes së njoftimit nga ana e xhematlijnve, imami i xhamisë Imri ef. Llugaliu ka njoftuar KBI-së në Gjakovë, ku me marrjen e lajmit është lajmëruar policia dhe së bashku kanë dal në vend të ngjarjes. Falë Zotit të Madhëruar e tërë kjo ka kaluar pa pasoja në dëmtim të objektit të xhamisë.

Vlen të theksohet se ky akt vandal ishte i qëllimshëm, pasi që sulmi ishte i përgatitur, për ta dëmtuar objektin e xhamisë, meqenëse në drejtim të xhamisë është hedhur shishja e ndezur me benzinë.

Është hera e dytë që në qytetin e Gjakovës të sulmohet xhamia, pas rastit të djegies së xhamisë së Haxhi Imerit. Por, ky rast është më shqetësues për faktin se ka ndodhur në natën e festës së Kurban Bajramit, me qëllim që ta prish atmosferën festive të kësaj feste të madhe fetare.

Këshilli i Bashkësisë Islame në Gjakovë, kërkon nga organet kompetent ligjore që rastin në fjalë të zbardhet sa më parë dhe autorët e krimit të zbulohen e të ndëshkohen.

(IGJ)

Subhan`Allah...

Kto nuk do bahen njerz asnjehere ...Shume mire e shofin situaten ne Kosove si eshte , ju ka mbet te djegin Xhamin, po lereni mor popullin ti bojne obligimet e veta he Zoti ju mart inshalla

... Ncncncnc sa shume lart ka shku INJORANCA mor Zot ....