Nuk mund të heshtësh mbi këtë qeverisje vrasëse. Mbi këtë regjim që nuk i kursen as fëmijët dhe asgjë tjetër.
Në fakt është gjynaf t’i thuash regjim sepse nuk është i tillë. Udhëheqësi nuk është njeri dhe asgjë nuk e lidh me humanitetin. Ai mund të jetë i sëmurë dhe nuk njeh kufij në keqbërjen e tij. Ta dini o Sirian se jemi me ju me zemër e me shpirt. Janë 8.000 shehidë që kanë dhënë jetën për lirinë. Kjo që po bëjmë për ju është minimumi sepse ju po përballeni me luftën. Është rinia që japin jetën për vendin e tyre dhe ne iu bashkohemi juve me lutjet tona. Na vjen turp nga vetja që nuk kemi mundësi për më shumë por ta dini se ne jemi me ju derisa të çliroheni. Profeti a.s. citon: “Besimtarët janë si një trup i vetëm që kur sëmuret një gjymtyrë ankohet i gjithë trupi”. Edhe ne jemi me ju deri në fund të kësaj qëndrese.

Ju lutem të gjithëve që kudo të jeni të luteni për populin sirian. Le të kujtojmë sot qytetin Dira që është një qytet i lashtë. Në të ka qëndruar 3 javë Omr Ibn Hatab r.a. gjatë rrugës së tij për në Palestinë. Ky qytet është në kufij me Jordaninë dhe është vend stategjik. Aty qëndroi Umr Ibn Hatabi dhe në të kaluan edhe shumë sahabe të tjerë. Imam Neueuiu që ka shkruar “Rijadu salihin” dhe “40 hadithet e Neueuiut” është pikërisht nga ky qytet. Po ashtu edhe Ibn Kajim el-Xheuzije është nga Dira, edhe Ibn Kethiri që ka shkruar “Tefsirin e Kuranit” është po ashtu prej Dirasë. Çfarë qyteti është ky? Çfarë gjenish ka nxjerrë ky qytet? Por ai është edhe më i vjetër se sa këto sahabe që përmendëm. Dira ka qënë Amelik (Punëtor) dhe vazhdon edhe sot e kësaj dite i tillë. Ky qytet ka njerëz të mëdhej. Pikërisht fëmijët e këtij qyteti e sollën dhe e filluan kryengritjen këtu. Ky qytet ka përcjellë gjatë kësaj kryengritjeje 1200 shehidë (dëshmorë). Dira është e shtrenjtë në lashtësi, është e shtrenjtë në kohën e Omr Ibn Hatabit dhe është e shtrenjtë edhe sot me shehidët e saj. Zoti i krenoftë këto njerëz dhe gjithë popullin Sirianë.

Jemi me ju kundër diktaturës me të gjitha ngjyrat e saj. Qyteti Hims ka të varrosur në gjirin e tij 400 sahabe. Himsi është qytet shembull për bashkëjetësën ndërfetare. Këtu gjen kishat dhe katedralet më të vjetra të ruajtura më së miri dhe xhamitë më vjetra, si xhamia e “zotnis Uelid” që i atribohet Halid Ibn Uelidit i cili është varrosur në Hims. Po ashtu është edhe kisha e “Umu Dinarit” e cila ka qenë shembull për Merjemen. Himsi është qytet i lashtë për të cilin thuhet se daton që në epokën e gurit. Himsi njihet për dy gjëra të mëdha: për gurin e zi dhe për zemrën e bardhë. Guri i zi është guri të cilin e morën romakët dhe e transportuan në të gjithë botën për të bërë ndërtime me të. Ndërsa zemra e bardhë është zemra e vetë qytetarëve të Himsit. Ata kanë zemër të butë dhe sens humori të lartë të cilat i kanë të trashëguara nga Halid Ibn Uelidi. Të gjitha këto cilësi që bashkohen tek një njeri na drejtojnë tek zemra e fortë dhe e pathyeshme ndaj padrejtësive dhe ndaj zullumeve. Nga kjo trashëgimi e pasur historike vjen edhe qëndresa ndaj padrejtësive dhe shpirtit të madh falës. Himsi është qyteti që deri më sot ka nxjerrë më shumë shehidë, nga këtu kanë rënë 4000 dëshmorë. Ne jemi me ju dhe na vjen keq që nuk keni ujë, as drita e as ilaçe të mjaftueshme. Ne e dimë shumë mirë që ju do të vazhdoni ti bëni ballë shtypjes për hatër të drejtësisë dhe lirisë që dëshironi. Himsi që ka sahabin e nderuar Halid Ibn Uelidin ka mësuar e ka trashëguar shumë prej tij. Në momentet e fundit Halidi thotë: “Nuk kam pjesë të trupit që nuk e ka përshkuar shpata dhe ja tani po vdes në shtrat ndërkohë që janë trembur frikacakët”. Këtë e shprehje e përvetësuan mirë populli i Himsit. Ah sikur dhe neve të qëndronim pranë popullit të Himsit. Ju jeni të mëdhej, të pamposhtur përderisa nuk ka familje në Hims që nuk ka qarë për dëshmorët e saj. Allahu iu ndihmoftë e iu nxjerrtë faqebardhë.