Shumë njerëz nuk do të besojnë se 544 faqe të Kur’anit mund të transferohen në mikrofilm. Megjithatë, kjo i ka shkuar përdore elektroteknikut nga Sarajeva Muhamed Mushiq


Në vitet e tetëdhjeta të shekullit të kaluar, Mushiq dhe shefi i tij në një kompani të madhe sarajevase, hasën në një kopje të Biblës të transferuar në formë të mikrofilmit. “Të fascinuar nga ajo që pamë, erdhëm në ide që edhe ne të bëjmë diçka të ngjashme. Vendosëm që ta transferojmë Kur'anin në mikrofilm, por në
një format shumë më të vogël”, thotë Mushiq. Punën e tyre e filluan duke i ndarë faqet e një Kur’ani të vogël, duke i renditur në segmente të shumta dhe duke i përpunuar në tërësi që të kenë mundësi të mbulohen nga një e incizim i vetëm. Pastaj faqet e rregulluara në këtë formë i kanë shtypur në mikrofilm.

Është e pamundur që faqet e këtij Kur'ani të shihen me sy të zakonshëm, në çka është bindur edhe ekipi i agjencisë Anadolia.“Qëllimi ynë nuk ishte që ato të shihen. Ne kemi dashur të bëjmë diçka unike. Kur'ani prej 544 faqeve në një film 35-milimetërsh është diçka që askush në botë nuk e ka bërë”, tregon Mushiq.

Këtë punë ai dhe shefi i tij e kishin realizuar para 25 viteve. Rezultati ishte 4.000 kopje të Kur'anit, për herë të parë në botë, në mikrofilm. Megjithatë, Mushiq nuk pati përfitim të rëndësishëm financiar apo ndonjë interes tjetër nga ky projekt. Ai thotë se gjatë gjithë këtyre viteve punimin e e tij ua kishte dhuruar miqve, partnerëve dhe atyre që i njihte.
“E di shumë mirë se një kopje gjendet në bibliotekën e Aleksandrisë. Gjithashtu, miku im një kopje e ka ekspozuar në ekspozitën e punimeve nga e gjithë bota në Dubai, ku Kur'ani ynë u kishte tërhequr vëmendjen e vizitorëve”, tha Mushiq.
Një herë, tregon Mushiq, në kompaninë ku ai punonte erdhi një delegacion nga një vend arab. “Kur iu dhuruam Kur'anin në mikrofilm, ata u entuziazmuan. Atë ditë, delegacioni vazhdoi udhëtimin e tij, por pasi e
kuptuan çfarë kishin marrë për dhuratë, ata dërguan një avion edhe për dhjetë kopje tjera”.
Për fat të keq, pajisjet me të cilat Mushiq realizoi këtë projekt u shkatërrua gjatë luftës, prandaj është e pamundur që kopje të reja të Kur'anit të punohen përsëri në këtë formë . Microfishi i kopjuar nuk e ka të njëjtën cilësi, kështu që është e pamundur që të bëhet përsëri i njëjti Kuran në bazë të kopjeve.