Hitskin.com

[Artikull] EWLIJA - Devotshmëria e miqve të Allahut (u84u)07_big

A nuk ke parë se si All-llahu bëri shembull: fjalën e mirë si pema e mirë që rrënjët e saj janë thellë (në tokë) e degët e saj janë lart në qiell. E që me vullnetin e Zotit, ajo e jep frutin e vet në çdo kohë.

Miqtë e Allahut përshkruhen me hollësi në Kuranin e Shenjtë.
Miqve të Allahut u janë dhënë emra të ndryshëm në Kuran. Secili emër pasqyron një cilësi të caktuar, që e bën njeriun të dashur para Allahut.
Cilësitë e tyre janë të panumërta dhe secila prej tyre përshkruan mënyrën, me të cilën ata e duan Allahun. Allahu u ka akorduar gjithashtu shumë tituj si:
El Muttekun (të vetëdijshëm për ekzistencën e Zotit),
El-Muslimun (ata që i nënshtrohen Atij),
El-Muminun (besimtarët), El-Muhsinun (mirëbërësit),
El-Sadikun (të sinqertët),
Ibaad ur Rahman (njerëzit e veçantë të Mëshiruesit më të madh),
El-Salihun (besnikët),
El-Sabirun (të duruarit)
El-Kanitun (të bindurit),
Edh-Dhaakirun (ata që e kujtojnë Allahun)
EL-Khaashinun (ata që e nderojnë Allahun),
El-Mutasadikun (bamirësit),
EL-Mustagfirun (ata që kërkojnë falje),
El-Taaibun (penduesit), El Abidun (të devotshmit) etj.
Edhe pse kjo mund t’u drejtohet besimtarëve në përgjithësi, cilësia dalluese e miqve të Allahut është vendosmëria e tyre dhe niveli i zbatimit të atributeve/cilësive të mësipërme në personalitetin e tyre.
Këtë mund ta kuptojmë më tej nga përshkrimet e dhëna nga Allahu për nivelin e devotshmërisë së tyre:
“Ata janë njerëz që nuk i pengon as tregtia e largët e as shitblerja në vend për ta përmendur Allahun, për ta falur namazin dhe për ta dhënë zeqatin, ata i frikësohen një dite kur do të tronditen zemrat dhe shikimet. (ata luten) që Allahu t’i shpërblejë më së miri për atë që punuan dhe për t’ua shtuar të mirat nga Ai; Allahu i dhuron pa masë atij që do”. (24: 37-38)
“E, besimtarë të vërtetë janë vetëm ata, të cilëve kur përmendet Allahu u rrënqethen zemrat e tyre, të cilëve kur u lexohen ajetet e Tij, u shtohet besimi dhe që janë të mbështetur vetëm te Zoti i tyre. Dhe, të cilët falin (rregullisht) namazin dhe nga ajo, me çka ne i furnizuam, ata japin. Të tillët janë besimtarë të vërtetë dhe për këtë kanë vende të larta te Zoti i tyre, kanë falje dhe kanë furnizim në mënyrë të ndershme”. (8: 2-4)
“Vërtet, ata që ndaj madhërisë së Zotit të tyre kanë frikë, ata që u besojnë argumenteve të Zotit të vet, ata që nuk i përshkruajnë shok Zotit të vet dhe ata që japin (sadaka-zekat) nga ajo që u është dhënë, pse dinë se do të kthehen te Zoti i tyre, andaj zemrat e tyre i kanë të frikësuara. Të tillët janë duke nxituar drejt të mirave dhe të parët do t’i arrijnë ato”. (23: 57-61)
“Ata që besuan dhe me të përmendur Allahun, zemrat e tyre qetësohen; pra ta dini se me të përmendur Allahun zemrat stabilizohen”. (13: 28)
“Për ata që Allahun e përmendin me përkujtim kur janë në këmbë, kur janë ulur, kur janë të shtrirë dhe kur thellohen në mendime rreth krijimit të qiejve dhe të tokës (duke thënë): ‘Zoti ynë këtë nuk e krijove kot, i lartësuar qofsh, na ruaj prej dënimit të zjarrit!”. (3: 191) “I heqin trupat e tyre prej dyshekëve, duke e lutur Zotin e tyre nga frika dhe nga shpresa dhe nga ajo që Ne u kemi dhënë (pasuri) atyre, ata japin”. (32: 16)
“Dhe për hir të Zotit të tyre natën e kalojnë duke i bërë dhe duke qëndruar në këmbë”. (25: 64)
“...po dashuria e atyre që besuan Allahun është shumë e fortë...”. (2: 165)
Dashuria që miqtë e Allahut kanë për Allahun është kaq e madhe, sa ata e duan Allahun më shumë se çdo gjë tjetër. Dashuria e tyre nuk njeh kufij dhe kjo dashuri i tret ata. Allahu e shpërblen pa masë këtë lloj devotshmërie nga ana e besimtarit të Allahut. Ky shpërblim nuk kufizohet vetëm në botën tjetër, por u jepet gjithashtu dhe në këtë botë.
“Kush bën një vepër të mirë, qoftë mashkull ose femër, e duke qenë besimtar, Ne do t’i japim atij një jetë të mirë (në këtë botë), e (në botën tjetër) do t’u japim shpërblimin më të mirë për veprat e tyre. (16: 97)
Shpërblimet që i jepen një uali-u nga Allahu, shpërblimet për një përkushtim të madh ndaj Allahut, përvijohen qartë në Kuranin e Shenjtë.
Shpërblimi më i madh është se Allahu i do ata: “Allahu i do ata që pendohen dhe ata që ruhen prej punëve të ndyta dhe të neveritshme”. (2: 222) “S’ka dyshim se Allahu i do të devotshmit”. (9:4) “...e Allahu i do bamirësit”. (3: 134)
Kjo dashuri nuk kufizohet vetëm tek Allahu, por kur Allahu e do një uali, atë e duan gjithashtu dhe banorët e qiejve dhe të tokës: “Nuk ka dyshim se ata që besuan dhe bënë vepra të mira, atyre i Gjithmëshirshmi do t’u krijojë (në zemrat e tyre) dashuri”. (19:96)
Për ta ka lajme të gëzueshme në jetën e kësaj bote dhe në jetën e përtejme (10: 6). Lajmet e gëzueshme dhe shpërblimet ndahen në dy etapa: jeta e kësaj bote dhe jeta e përtejme. Jeta e përtejme përfshin jetën pas vdekjes (Berzah), Ditën e Ringjalljes dhe jetën në Parajsë.
“Ne do t’i japim një jetë të mirë (në këtë botë), e (në botën tjetër) do t’u japim shpërblimin më të mirë për veprat e tyre”. (16: 97)
Ata nuk do të kenë frikë dhe nuk do të pikëllohen asnjëherë (10: 6). “Nuk ka dyshim se ata që besuan dhe bënë vepra të mira, atyre i Gjithmëshirshmi do t’u krijojë (në zemrat e tyre) dashuri”. (19:96)
“E, s’ka dyshim se ata që thanë: ‘Allahu është Zoti ynë’, dhe ishin të paluhatshëm, atyre u vijnë engjëjt (në prag të vdekjes dhe u thonë): të mos frikësoheni, të mos pikëlloheni, keni myzhde xhenetin që u premtohej. (u thonë) Ne kujdesemi për ju, si në jetën e kësaj bote, ashtu edhe në botën tjetër, ku do të keni atë që dëshironi dhe gjithçka kërkoni”. (41: 30-31)
“E ata që vetë besuan, e edhe pasardhësit e tyre ishin me besim, Ne atyre do t’ua shoqërojmë pasardhësit e tyre dhe asgjë nuk u pakësojmë nga veprat e tyre (prindërve). (52:21)

Atë ditë shokët e ngushtë do të jenë armiq të njëri-tjetrit, përveç atyre që ishin të sinqertë në miqësi: (Atyre besimtarëve që ishin shoqëruar për hir të Zotit, u thuhet): ‘O adhuruesit e Mi, sot nuk ka as frikë për ju, e as që do të jeni të pikëlluar!”. (43: 67-68)
“Atë ditë do të ketë fytyra të shkëlqyera (të gëzuara), që Zotin e tyre e shikojnë”. (75:22-23)
“Të mbështetur në kolltukë që i kanë mbulesat e kadifes dhe pemët e atyre dy xheneteve janë krejt afër. E, cilën të mirë të Zotit tuaj po e mohoni?” (55: 54-55).
“Të devotshmit janë në kopshte e burime. Të kënaqur se kanë shtënë në dorë atë që u dha Zoti i tyre, ata edhe më parë (në dynja) ishin mirëbërës. Ata qenë të cilët pak flinin natën. Dhe në syfyr (kah mbarimi i natës) ata kërkonin falje për mëkatet”. (51: 15-18).

» [Artikull] Frymëzimi i Allahut në çdo njeri: Ndërgjegjja
» [Artikull] Të devotshmit janë evlijatë e Allahut
» [Artikull] Uji i pastër
» DEVOTSHMËRIA, PËRMBLEDHËSE E ÇDO TË MIRE
» [Artikull] Pendimi.

Hitskin.com

[Artikull] EWLIJA - Devotshmëria e miqve të Allahut

[Artikull] EWLIJA - Devotshmëria e miqve të Allahut :: Komentet

[Artikull] EWLIJA - Devotshmëria e miqve të Allahut

Similar topics

Similar topics