Stacionet e autobusëve në Pakistan do të zbukurohen me ajete kur’anore dhe kaligrafi islame për të shtuar pak spirtualitetin në Islamabad, qytet ky, i cili vite me radhë konsiderohet si më liberali në vend. Drejtoria për Zhvillim kapital (CDA) planifikon të ndërtojë 100 stacione të autobusëve- të cilat në këtë vend njihen se “çadra” – dhe të njëjtat do të jenë të zbukuruara me lule dhe citate fetare, njofton AFP.
“Çadrat” e reja nuk do të shërbejnë vetëm për mbrojtjen e udhëtarëve gjatë kohës së ligë, por do të nxisin edhe artin e kaligrafisë dhe trashëgimisë sonë të pasur”, tha për AFP një zyrtarë i CDA-së Haji Muhboob Ahmed. Publiku ka reaguar pozitivisht për këtë pilot-projekt, dhe mu për këtë CDA, planifikon që të ndërtojë 30 çadra të reja në dy muajt e ardhshëm, ndërsa secila do të kushtojë rreth 400.000 rupija (4.700 dollarë). “Çadra” e parë është vendosur afër zonës komerciale “Blue Area”, shumë pranë qeverisë. Ajo është e pikturuar me ngjyrë të gjelbër, të verdhë dhe vjollce e shkruar me citate kur’anore ku kërkohet mbrojtja nga e keqja.Emri i Zotit është shkruar në gjuhën arabe, gjithashtu është shkruar edhe mesazhi i shërbimit publik në të cilin thuhet që përdoruesit të ruajnë mjedisin “Stacioni i autobusëve u takon juve. Ju lutemi që të ruani këtë ombrellë dhe të mbani qytetin tuaj të pastër dhe të gjelbër”, thuhet në mesazh. Projekti ka ngjallur vëmendjen e mediave, ndërsa qytetarët thonë se u pëlqejnë stacionet e reja. “Vërtetë është shumë e bukur kur sheh “çadrat” të dizajnuara me kaligrafi”, thotë Imran Hussain, një punëtorë në ndërmarrjen e telekomunikacionit. Do të kërkoj nga CDA të ndërtoj një të këtillë edhe në rajonin ku unë jetojë. Vërtetë duket shumë bukur”, shtoi ai.
(Breziiri)