All-llahu e vë me atë (me Kur’anin) në rrugët e shpëtimit atë që ndjek kënaqësinë e Tij dhe me ndihmën e Tij i nxjerr ata prej errësirave në dritë dhe i udhëzon në një rrugë që është e drejtë.(Maide 15-16.)Çdo njeri kur e lexon Kur’anin, apo e ndëgjon atë ndjen një ëmbëlsi në zemrën e tij. Këtë e shohim më së miri në rastin e përqafimit të Islamit nga Omer ibën Hatabi: një ditë Omer ibën Hatabi u nis për ta vrarë Muhammedin salall-llahu alejhi we selem. Gjatë rrugës takon një musliman që e mbante fshehur besimin e tij në All-llahun xh.sh. kur e sheh të armatosur Omerin e pyet: Për ku kështu o Omer? Po shkoj ta vras Muhammedin.
Nëse do ta vrasësh Muhammedin, do të ngritet fisi i tij dhe do të vrasin ty o Omer. A të të tregoj diçka më të mirë se sa të vrasësh Muhammedin? Çfarë i tha Omeri. Shko te motra jote Fatimja se edhe ajo e ka pranuar Islamin. Omeri nevrikoste edhe më shumë, shkon te shtëpia e motrës dhe i thotë: Më kanë thënë se je bërë muslimane. O Omer, i përgjigjet motra, po sikur feja që kam zgjedhur të jetë më e mirë se nfeja jote? Atëherë Omeri e godet Fatimen saqë fillon ti rrjedh gjaku nga buzët dhe nga veshi.Pastaj burri i motrës i thotë Omerit: O Omer, po sikur Islami të jetë më i mirë se feja jote? Atëherë, Omeri filloi ta qëlloj edhe atë.Fatimja duke u munduar ta largoj Omerin nga burri i bien përtoke disa ajete të shkruara nga sureja Ta Ha.Omeri e pa këtë dhe ia kërkon motrës që t’ia jep. Ti nuk je i pastër i tha ajo. Shko pastrohu njëherë, pastaj ti jap.Shkoi u pastrua dhe filloi ti lexojë. Me të përfunduar leximin, shkoi te Muhammedi salall-llahu alejhi we selem për ta pranuar Islamin. Nga ai moment Omer Ibn Hatabi e pranoi Islamin në prani të Pejgamberit salallllahu alejhi we selem.



A nuk është koha që zemrat të zbuten me këshillat e All-llahut dhe ne atë të vërtetën që zbriti (me Kur’an), e të mos bëhen si ata, të cilëve u është dhënë libri më parë e zgjati koha dhe zemrat e tyre u shtangën e shumë prej tyre janë jashtë rrugës.(Hadid 16)