Ramazani – muaji i ndryshimeve

Falënderimet i takojnë Allahut xh.sh., Paqja, Bekimet, Urimet qofshin për të dërguarin tonë, Muhamedin a.s., familjen e tij, shokëve të tij dhe të gjithë ata që pasojnë rrugën e tij deri në Ditën e Gjykimit.

Umeti Islam po i jeton ditët e fundit të muajit Shaban, i cili na merr për dore drejt dyerve të Ramazanit, transmeton Ahmedi nga Enes bin Maliku- r.anh, i cili përshkruan se çfarë bënte Pejgamberi s.a.v.s., në muajin Shaban: “Agjërimi më i dashur tek ai (Muhamedi a.s.) ishte në muajin Shaban”, ndërsa shkakun e kësaj, e shpjegon vet Muhamedi s.a.v.s., në hadithin që transmeton Tirmidhiu,r.a..: “…dheai është muaji në të cilin ngritën punët e mira tek Zoti i Botrave, e unë dëshirojë të më ngritën veprat e mia duke qenë agjërueshëm”.

Muaji Shaban është sezona e përfundimit të “ditarit” tënd, apo të korrurave e punëve tua nga ky vit, Pejgamberi s.a.v.s., ia ka ngritë vlerën ngase ai është si parathënie e muajit Ramazan; është fusha e
garave në punë të mira dhe në devotshmëri, para se të vijë muaji Furkan (ndarësi i së vërtetës nga e pavërteta-pra Ramazani), pra paraqite vetën tënde me punë të mira para Allahut xh.sh. para se të ik ky muaj, ka thënë Ebu Bekr El-belkhi: “Muaji Rexheb është muaji i të mbjellurave, ndërsa muaji Shaban është muaji i ujitjes së asaj që është mbjellë, e muaji Ramazan është muaji i të korrurave “.

I Dashuri ynë-Paqja qoftë mbi të-: thotë “Ky është muaji që njerëzit janë të pakujdesshëm ndaj tij”, ngase muaji Shaban është sikur derë kaluese që na futë ne në muajin Ramazan, muaji Ramazan është muaji që hapën dyert e xhennetit, siç na katreguar Muhammedi a.s. me fjalët e tij duke thënë: “K-kur hyn muaji Ramazan, hapën dyert e xhennetit, mbyllen dyert e xhehenemit dhe lidhen shejtanët”(transmeton: Bukhariu,r.a.). Nga ky këndë, muaji Shaban është muaj “i stërvitjes dhe përgatitjes edukativo-hyjnore” , starton myslimani në të që të jetë i aftë për devotshmëri në Ramazan; pra muaji Shaban është një program “përgatitje edukative” që e vepron myslimani në te, pra përgatitje për muajin Ramazan. ”O Zot mundësona ta arrijmë Ramazanin”, meqë ishte edhe lutje e Muhamedit a.s.: “O Zot begatona në muajin Rexheb dhe Shaban, dhe mundësona ta arrijmë Ramazanin” .

Në dyert e Ramazanit

Ja, ky është Ramazani që veç është afruar ardhja e tij me dritën e tij, me aromën e tij, të mirat e tij, e pastërtinë e tij, vjen që ti edukon njerëzit në forcën e dëshirës dhe madhështinë e ndryshimit, në bartjen e vështirësive dhe fitoren ndaj pengesave dhe fatkeqësive të jetës. Muhammedi a.s., i përgatiste shokët e tij kur vinte Ramazani dhe i përgëzonte ata duke u thënë: “U erdhi muaji Ramazan, muaji i begative, Allahu xh.sh. ua bëri obligim agjërimin e tij, në të hapen dyert e xhenetit, mbyllen dyert e ferrit, lidhën shejtanët, në të është një natë më e vlefshme se një mijë muaj, kujt i humb e mira e saj, veç ka humb”(transmeton Ahmedi,r.a.).

Ramazani dhe ndryshimi

Ndryshimi i shpirtit njerëzor dhe ndryshimi i popujve e kombeve , konsiderohet si çështje bashkëkohore dhe është sunnet- ligji Zotit xh.sh. në Gjithësi, thotë Allahu xh.sh. në Kur’anin Famëlartë: ” …All-llahu nuk e ndryshon gjendjen e një populli, përderisa ata ta ndryshojnë veten e tyre…” (Rrra’d-11). Ndryshimi i gjendjes nuk mund të jetë me “dëshira dhe shpresime”, mirëpo me punë serioze dhe qëllim të sinqertë dhe sjellje korrekte, ndërsa Ramazani është rasti i vërtetë dhe serioz për ndryshim, është programi praktikë për përmirësim të shpirtrave dhe zemrave dhe fillimi i vërtetë për ndërtimin e “ummetit”:

Mos thuaj: nga t’ia fillojë?, Devotshmëria e nënshtrushmëria ndaj Allahut xh.sh. është fillimi. Mos thuaj: nesër do fillojë. Ndoshta të vjen fundi…!!! Ramazani, muaji i ndryshimit, i ndodhisë së transferimit shpirtëror dhe trupor e cila përmirëson gjendjet tona dhe ndryshon atë që posedojmë brenda. Ndryshimi pozitivë ka nevojë nga ne të gjithë për një “dëshirë të njomë- rinore” dhe kërkon nga ne vendosmëri të fortë dhe ecje në drejtim të ndryshimit, thotë Allahu xh.sh.: ” O ju që besuat, agjërimi u është bërë obligim sikurse që ishte obligim edhe i atyre që ishin para jush, kështu që të bëheni të devotshëm”.(El-bekareh-183).

Nëse ne nuk e shfrytëzojmë “muajin e ndryshimit”, kemi humbur rastin e jetës, ndryshimi nënkupton “të vazhduarit në të vërtetën, dhe revolucionin apo kryengritjen ndaj korruptimit, mashtrimit, marrëzive, dhe të pavërtetave”. Thotë Pejgamberi a.s.: “Kush nuk e lë dëshminë e rrejshme dhe të vepruarit me të, Allahu nuk ka nevojë që ai të mënjanohet nga ushqimi dhe pirja e tij”(transmeton Bukhariu r.a.). dhe thotë në hadithin tjetër: “Nuk është agjërimi mënjanim vetëm nga ushqimi dhe pirja, por agjërim është të mënjanuarit nga marrëzirat dhe gjërat e turpshme, nëse të ofendon ndokush, thuaj: Unë jam agjërueshëm, unë jam agjërueshëm”(transmetohet nga El-Hakim, e vërtetoi imam Nasruddin El-Albani), kjo është për atë që është i sinqertë me Zotin e tij, dhe Allahu xh.sh. do t’ia vërtetojë atë që punon.

Fryti më i madh i ndryshimit në muajin Ramazan është :Të dorëzuarit ndaj normave të Allahut xh.sh. dhe zbatimi i urdhrave të Tij dhe Sheriatin e Tij, që të arrij myslimani deri tek devotshmëria ndaj Allahut xh.sh. në çdo kohë, dhe Ramazani i cili ndryshon, me natyrshmërinë e tij, jetën si tërësi, është garantues i ndodhisë së ndryshimit në jetën e personit dhe familjes, me programin e tij hyjnorë të përsosur.

Nga format e ndryshimit në Ramazan është : Preciziteti, sistemimi i kohëve dhe angazhim; dhe e sheh ummetin të ulur rreth tryezës së iftarit duke pritur sinjalin e fillimit të iftarit; dhe e sheh ummetin mënjanohet nga ushqimi dhe pirja e marrëdhëniet intime gjatë ditës; dhe e sheh ummetin të radhitur në namaze dhe namazin e teravive, kjo paraqitje arrin te çdo kush që shikon nga afër apo nga larg si një ummet që ka arrit kulmin e sistemimit, precizitetit dhe përgatitjes.

Ndërsa orët më të çmuara të ndryshimit në Ramazan janë : Minutat e iftarit pa asnjë minutë vonese; dhe veç na ka treguar Pejgamberi a.s. për këtë duke thënë: “Nuk do te largohet ummeti imë prej miresive derisa e shpejtojnë iftarin dhe e vonojnë syfyrin”, çfarë jap të kuptojmë se ka lidhje të fortë mes Ramazanit dhe ummetit në tërësi.

Dhe nga ndodhitë më të plotësuara të muajit Ramazan është: Rruajtja e mirësive të Allahut xh.sh. ndaj neve për këto revolucione popullore dhe përfitimet e tyre, vërtet shpejtësia e ndryshimit që po ndodhë është shenjë hyjnore që të realizohet sunneti-tradita e kozmosit në mundësit njerëzore, ja, rasti erdhi në Ramazan; që ti realizojnë popujt arab kryengritjet e tyre dhe të arrijnë lirinë e tyre; ndryshimi paqësor, për të cilin janë kapur popujt, dhe të kthjellurit e vazhdueshëm për kryengritjet e tyre, dhe ruajtja e këtyre kryengritjeve edhe pse po ballafaqohen me shumë sfida, e tëra kjo është nga veprat e Allahut xh.sh. të Vetëm, u habit me këtë perëndimi dhe lindja, sikurse u habitën me të edhe politikat edhe dijetarët nga myslimanët dhe jomyslimanët.

Dhe nga ngjarjeve më të forta të ndryshimit në Ramazan është : Thyerja e murit të frikës e llahtarisë, e cila vërtetoi se forca e vërtetë është në të kthyerit e strehuarit tek Allahu xh.sh. dhe kërkimi ndihmë prej Tij xh.sh. e me këtë nuk ka mundësi asnjë tiran ta bëjë rob të tij popullin tonë herave tjera, dhe as ti obligon asaj lloje të zullumit e padrejtësive dhe tiranive, ngase Allahu xh.sh. thotë : “E Ne duam t’i lartësojmë ata që u shtypën në tokë, t’i bëjmë udhëheqës dhe t’i bëjmë trashëgues.Dhe atyre t’u japim pushtet në tokë, e faraonit, Hamanit dhe ushtrisë së këtyre dyve t’ua tregojmë atë që i ruheshin (ia kishin frikën)” (Kasas:5-6).

Dhe së fundi: Ramazani, muaji i ndryshimit të ummetit dhe përmirësimit të saj:

Ramazani është prej shenjave më të mëdha të Islamit, të cilat ndihmojnë në bashkimin e Umetit Arab dhe Islam, pa dallim vendi, gjuhe, medhëhebi apo tradite, bashkim ky i cili jetësohet në pajtimin se ramazani është prej obligimeve të Islamit dhe prej shtyllave të tij.

E gjithashtu ky bashkim jetësohet edhe në kujdesin për nxjerrjen e zekatit, do të thotë që ky muaj ndihmon në zgjedhjen e probleme të varfërisë, papunësisë, krimit në të njejtën kohë ndihmon në uljen e varfërisë në nivel botëror, kur dihet se në bazë të statistikave në botë sot kemi mbi 1 miliard e 100 milion të varfër me varfëri të skajshme në mbar rruzullin tokësor.

Në të gjithashtu është edhe zekat El-fiter, të cilin e nxierrë çdo musliman pavarësisht se a është i pasur apo jo, kjo bëhet për të arritur një ndihmes reale, këtë e vërtetojnë më shumë se 130 citate Kur’anore, dhe qindra hadithe të Pejgamberit s.a.v.s, të cilat kan ardhur në nxitje për dhënje të lëmoshës dhe shpenzimit të pasurisë për çdo nevojtar pavarësisht se a është musliman apo jo, e kjo ndihmon në pavarësinë e ummetit që e dallon nga kjo krizë botërore e cila nxitë në çrrënjosjen e vlerave dhe normave të moralit, pra ummeti Islam është i veshur me ngjyrën dhe petkun më të mirë siq ka ardhur në citatin e Kur’anit: ” (Kjo fe e jona është) Ngjyrosje e All-llahut, e kush ngjyros (me fe) më mirë se All-llahu. Ne vetëm atë e adhurojmë“.

Ramazani na rikujton edhe fitoret e ummetit islam përgjatë historisë së saj, fitorja më e madhe në kohën e Pejgamberit a.s. është ajo e Bedrit dhe çlirimi i Mekes të cilat ndodhën në Ramazan, pastaj çlirimi i Endelusit-Spanjës së sotme nën udhëheqjen e Tarik bin Zijad e cila ndodhi ne Ramazan me 28 të vitit 92 të hixhretit, pastaj Ajn Xhaluut në të cilën u mposhtën Mogolët, ndodhi më 15 Ramazan të vitit 658 hixhrij; dhe gjithashtu na ndihmoi Allahu xh.sh. më 10 Ramazan, 1383 hixhrij(6 tetor 1973) ndaj çifutëve që pushtuan tokën tonë dhe vendin e shenjtë, e kjo në përputhshmëri me fjalën e Allahut xh.sh. që thotë: “… e kundër atyre që bën krim, Ne ndërmorëm masa ndëshkuese. Obligim Yni ishte të ndihmojmë besimtarët”. (E-rrum-47); dhe ne me ndryshimin në Ramazan, do jemi më afër ndihmës se Allahut xh.sh.: “…E ata do t’i tundin kokat e tyre nga ti e do të thonë: “Kur është ajo (ringjallja)?” Thuaj: “Ndoshta do të jetë afër!” (El-israa: 51).

Falënderimi i takon Allahut xh.sh., Paqja, Bekimet, Urimet qofshin për të dërguarin tonë Muhamedin, familjen e tij dhe të gjithë shokëve të tij. Allahu është më i madhi dhe Tij i takon falënderimi.

Shqipëroi nga arabishtja:
Jasir Krasniqi