![[Artikull] Si mund të jesh i suksesshëm pa para? Njeri-264x170](https://2img.net/h/breziiri.com/wp-content/uploads/2013/10/njeri-264x170.jpg)
Në sytë e shumë njerëzve tjerë, nuk do të isha dukur si njeri i suksesshëm. Jetoj në një banesë, jo në vilë. Nuk jap para në tesha të shtrenjta, e as që posedoj një veturë luksoze, avion apo jahte. Nuk jam drejtorë apo menaxherë në ndonjë firmë të madhe. Nuk kam xhiruar ndonjë film, e as që kam fituar çmimin oskar, as që kam shitur miliona kopje të librave. Nuk jam i njohur në publik. Fotoja ime asnjëherë nuk ka zbukuruar faqet e para të gazetave, e as që kam qenë mysafir në ndonjë reality-show. Mirëpo…Edhe krahas gjithë kësaj, ekzistojnë momente kur në të vërtetë ndjehem i suksesshëm… kur në 
vendoj ballin, në ato momente në çfarë çdo situata të ndodhem, e di se Zoti im më dëgjon dhe më mbron – ju lutem më thoni, a ka ndonjë shumë parash që këtë ndjenjë mund ta paguaj? Kur nëna ime më përqafon dhe më thotë se më donë, atëherë ndjej se dikush më donë. Po më thoni, cila veturë mund ta zëvendësoj përqafimin e nënës? Kur kthehem në shtëpi, ndërsa nga dera e saj më pret buzëqeshja e gruas sime e cila zemrën ma shkëlqen – atëherë zemra bërtet“Falënderimet të takojnë Ti ja Rrabb për dhuntitë që mi jep.” Me para mund ta blejsh shtëpinë, mirëpo jo dashurinë që vetëm Allahu mund ta jep. Po më thoni, cilat mobile luksoze lumturinë e martesës mund tua japin?
Kur vajza ime e dashur më afrohet, më shikon me sytë e saj, dhe flenë në prehrin tim, atëherë e di se dikush pranë meje ndjenë paqen dhe qetësinë. Kur shkojë në treg dhe me qetësi bisedoj dhe i buzëqesh shitësit, ndjej se fjala ime e ëmbël vlen diçka. Kur i dhuroj një buzëqeshje një personi dhe ajo ma kthen, ndjejë se edhe unë mund t’iu jap diçka të tjerëve. Më thoni, a mund të zëvendësohet buzëqeshja me para?
Pra, më tregoni se çka ju vlen gjithçka në këtë botë, kur një ditë duhet të ndaheni, ndërsa më parë për Ahiret asgjë nuk keni përgatitur? Kur e kujtoj se Allahu më donë edhe krahas të gjitha gabimeve të mia, në ato momente ndjehem shumë i lumtur… dhe sa e sa detaje të vogla ka në jetën tonë të cilat nga dita në ditë janë aty të na bëjnë të lumtur dhe na tregojnë se jemi të vlefshëm, mirëpo ne nga moskujdesi nuk i kujtojmë…
……………………………….
Ndoshta është e nevojshme të shohim raportin tonë ndaj suksesit. Ndoshta duhet ta kuptojmë se fama kalon, paraja harxhohet, fuqia dhe autoriteti nuk zgjatin shumë, ndërsa gjërat materiale në fund bëhen pluhur. Ndoshta është e nevojshme të kuptojmë se njerëzit më të suksesshëm janë atë të cilët në vend të parë kanë dashurinë ndaj Allahut, të Cilit i falënderohen në gjithçka që posedojnë dhe të cilët njerëzit tjerë i ndihmojnë dhe i duan.
Ndoshta është e nevojshme të kuptojmë se ato që shumica e njerëzve i konsiderojnë si sukses (paraja, shtëpia, gjërat luksoze), nuk janë garanci për lumturi, e as afërsi ndaj Allahut. Sepse pikërisht për shkak të këtyre cikërrimave, shumica prej nesh e harron edhe Krijuesin e vet. Kot i kemi të gjitha nëse Allahun e humbim…
Burimi: Akos.ba
Përshtati: Arsim Dauti (Breziiri)
![[Artikull] Si mund të jesh i suksesshëm pa para? Empty](https://2img.net/i/fa/empty.gif)
Thu 23 Mar 2023 - 2:31 nga 
