erdogan%20duke%20qeshur.jpg)
Athina zyrtare ka reaguar pas komenteve përçmuese të Kryeministrit turk, Rexhep Tajip Erdoan, lidhur me situatën ekonomike të Greqisë, duke i kërkuar Ankarasë të shikojë punën e saj. “Greqia pret që fqinjët të respektojnë problemet e saj ekonomike në vend që të bëjnë zhurmë”, tha zëdhënësi i qeverisë, Dimitris Tsiodras, duke i kërkuar Ankarasë të fokusohet në problemet e saj të brendshme. “Turqia ka ende shumë për të bërë në mënyrë që të krahasohet me Prodhimin e Brendshëm Bruto të Greqisë për banor”, tha ai.
Gjatë ditës së djeshme, kryeministri turk, Rexhep Tajip Erdoan, kundërshtoi krahasimet që bëri lideri i opozitës turke, Kemal Këlëçdarolu, mes ekonomisë turke dhe asaj greke, duke thënë se kombi i mbytur në borxhe po lyp të holla dhe po përpiqet të shesë ishujt në mënyrë që të qëndrojë mbi ujë.
“Si mund ta bëni një krahasim të tillë?”, tha Erdoan, “Kjo bën të qeshin edhe sorrat”.
Thu 23 Mar 2023 - 2:31 nga 
