Dramë në Kuvend, filloi në momentin kur deputetët e pushtetit dhe të opozitës u gjetën përpara dyerve që shpie në sallën e mbledhjeve. Deputetët e opozitës nuk kishin kartela për të hyre kështu që nuk lejonin të hynin as deputetët e VMRO- DPMNE-së. Pas kësaj një pjesë e mazhorancës hyri nga ana tjetër e ndërtesës hynë edhe deputetët opozitës. U drejtuan kah kryetari i Parlamentit Trajko Veljanovski i cili sëshpejti u evakuua nga vendi i tij. Në tollovinë kishte edhe deputetë të lënduar të LSDM-së. Më vonë në sallën e Kuvendit hyri ministrja e punëve të brendshme të cilën opozitarët e akuzuan se po nxit luftë qytetare. Pasi atmosfera filloi seriozisht të tendoset sigurimi i Kuvendit i largoi ekipet e gazetarëve nga galeria. Situata arriti kulmin pasi gazetarët u larguan, atëherë sigurimi me forcë tërhoqi deputetët e opozitës nga salla e Kuvendit .

‘U bë e qartë pse duhej të dëbohemi nga galeria, menjëherë pasi ju dëbuan juve hynë 50 njerëz të kryesuar nga Jankullovska dhe Stavrevski, na tërhiqnin, goditnin dhe shkelni, rrihnin gra, na shtrinë për toke, na zvarrisnin në dysheme, na shqelmonin, ky është çmimi i diktaturës. Mirëpo, këtu nuk ishte i pranishëm vetëm sigurimi i Kuvednit hynë edhe njerëz të tjerë të panjohur sikurse Ekspedita Ndëshkuese, njëkohësisht derisa na hidhnin nën këmbë dhe na shkelnin, kolegët deputetë të VMRO- DPMNE-së të ulur në sallë duartrokisnin’, tha Radmila Sheqerinska deputete e LSDM-së

Pasi salla u zbraz dhe brenda mbetën vetëm deputetëte shumicës, buxheti u miratua në mënyrë të shpejtë.“Gjithçka që bëmë sot e bëmë për të mirën e popullit dhe të shtetit”, tha Trjako Veljanovski kryetar i Kuvendit. Partia e vetme e opozitës që mbeti në sallë ishte PDSH-ja. Ata nuk flisnin për incidentet por vetëm se buxheti është antishqiptar. Natasha Stojanovska