Zëvendës myftiu në republikën ruse të Osetisë së Veriut, Dudarov Ibrahim, u vra në rrugën për në kryeqytetin këtij vendi, Vladikavkaz
"Ai u vra me pesë plumba nga një distancë e afërt", tha myftiu i Osetisë së Veriut, Kaxhi-Murat Gacalov për agjencinë e lajmeve RIA Novosti.
Vrasja ka ndodhur të mërkurën mbrëma në rrugën kryesore që çon në kryeqytetin e Osetisë së Veriut, republikë e vogël në kufi me Çeçeninë.
"Ky njeri vdiq për shkak të besimit të tij. Unë mendoj se kjo ka të bëjë me punën të cilën ai e ke kryer", tha Gacalov.
"Dikush nuk e donë këtë lloj Islami në Osetinë e Veriut", tha ai, duke mos e elaboruar se kush mund të qëndroj prapa vrasjes.
Ai shtoi se zëvendësi i tij ishte njeri i urtë dhe njeri i paqes dhe se, atë ditë ishte në pushim.
Në këtë republikë edhe në të kaluarën kishte konflikte etnik ndërmjet popullatës shumicë ortodokse dhe pjesëtarëve të pakicës muslimane.
Thu 23 Mar 2023 - 2:31 nga 
