Rusia dhe Liga Arabe kanë njoftuar se duan të bëhen ndërmjetësues në bisedimet e drejtpërdrejta mes qeverisë siriane të Asadit dhe opozitës së kryesuar nga Mouaz al Khatib. Të dyja vendet theksuan se po e bëjnë këtë me synim të ndaljes së gjakderdhjes dyvjeçare në vend. Ministri i Jashtëm rus, Sergei Lavrov, deklaroi se dhuna është një udhë pa krye dhe se është i gatshëm të marrë në dorë timonin për ndërmjetësimin e bisedimeve. Ky vendim vie pasi Koalicioni Kombëtar Sirian nën udhëheqjen e Al Khatib pritet të nisë një takim në Egjipt për të diskutuar opsionet për ndalimin e luftës që deri tani ka shkaktuar mbi 70.000 viktima. Ministri i Jashtëm Rus Sergei Lavrov tha se vendi i tij synon të vendosë kontakte direkte mes qeverisë dhe opozitës siriane. Ia vlen të kujtojmë se Rusia ka pranuar se ende i shet armë Bashar Al Asadit, dhe deri para pak muajsh Moska ka mbështetur fuqishëm pushtetin vrasës të Asadit. Edhe Sekretari i përgjithshëm i Ligës Arabe, Nabil Elaraby tha se prioriteti i tyre ishte krijimi i një qeverie në tranzicion, me kusht që të ndalet dhuna. Bisedimet e propozuara nga kreu i koalicionit janë bërë një muaj më parë, ndërsa Asadi nuk ka bërë me dije se pranon negociatat. Ai gjatë shfaqjeve të tija publike ka thënë se bisedimet janë të mirëpritura vetëm me grupet e paarmatosura. Sipas gjendjes në teren, regjimit të tij po i vie fundi, pasi forcat e Ushtrisë Çlirimtare kanë marrë nën kontroll aeroportin e Alepos, digën kryesore të Hidrocentralit, si dhe një depo armësh. Faktet që çlirimtarët po i afrohen Damaskut qëndrojnë në raportimet se qyteti deri më tani i paprekur, po sulmohet vazhdimisht nga brenda. Sulmi i fundit konsistoi me shkatërrimin e ndërtesës së selisë së partisë Baath, partia e Bashar Al Asaid[justify]