SHBA Dy shpërthime të mëdha kanë ndodhur dje në Boston, me ç’rast janë shkaktuar tre të vdekur dhe të paktën 139 të plagosur. Një zyrtar i Shtëpisë së Bardhë tha se shpërthimet ndodhën rreth orës 6 pasdite, dhe konsiderohen si një akt i terrorit. FBI ka marrë përsipër hetimin e sulmeve. Një zyrtar i lartë i inteligjencës tha se dy pajisje shpërthyese u gjetën pranë skenës së shpërthimeve, dhe janë duke u shpërbërë. Ed Davis nga Departamenti i Policisë në Boston, tha se pajisjet e fuqishme kishin shkaktuar shpërthimet vdekjeprurëse. "Ne kemi marrë në pyetje shumë njerëz, por nuk ka dyshuar ," tha ai. "Policia është në gatishmëri të lartë. I gjithë personeli është duke u përpjekur maksimalisht për të zbardhur ngjarjen”. Ndërkohë një zjarr në Bibliotekën John Kennedy u përhap disa milje larg nga shpërthimet më shumë se një orë më vonë. Megjithatë, Davis tha se hetuesit nuk mendojnë se ka lidhje mes zjarrit dhe shpërthimeve. Shpërthimet kanë ndodhur rreth tre orë pasi fituesi kaloi vijën e finishit, Ndërkohë një tjetër shpërthim mund të dëgjohej disa sekonda më vonë. Shumë prej spektatorëve të plagosur ishin bartur në një tendë mjekësore që ishte ngritur për t'u kujdesur për vrapuesit lodhur.[justify]