![[Lajmet Ditore] Gyl prononcohet për Sirinë, Egjiptin dhe Palestinën (u59u)abdullah-gul](https://2img.net/h/www.mesazhi.com/modules/news/images/option6/(u59u)abdullah-gul.jpg)
Duke iu drejtuar parlamentit turk gjatë fillimit të vitit të ri legjislativ, presidenti turk Abdullah Gyl e përshëndeti paketën e reformave të ndërmarra nga Partia për Drejtësi dhe Zhvillim (Partia AK).
"Unë mirëpres hapat e ri të paralajmëruar nga kryeministri, të cilat sipas mendimit tim do zgjidhin çështje të rëndësishme në vendin tonë," tha presidenti duke iu referuar pakos së shumëpritur të demokratizimit.
KRIZA NE SIRI
Presidenti Gyl tha se në këtë moment Siria po përjeton masakrën më të madhe të shekullit të 21-të. “Populli sirian nuk meritojnë për t'u sakrifikuar në këtë mënyrë. Sa më shumë që kjo luftë vazhdon, ekstremizmi dhe radikalizmi do të rriten. Kjo e kërcënon stabilitetin e rajonit. Për këtë arsye, unë dënoj të gjitha vrasjet e civilëve të pafajshëm”, deklaroi Gyl.
Ai i kërkoi Turqisë për të ruajtur pozicionin e saj si një " pushtet i virtytshëm", një prioritet themelor ky për të mbrojtur arritjet e saj deri më tani.
Duke deklaruar se jetët e popullit sirian nuk duhet të sakrifikohen për bilancin e politikës së pushtetit, Gyl e përshkroi qëndrimin e bashkësisë ndërkombëtare si "jashtëzakonisht të dobët" përballë fatkeqësive, jo vetëm në Siri, por në të gjithë rajonin.
EGJIPTI
Në mënyrë të ngjashme, Gyl i bëri thirrje Egjiptit për t'u kthyer në demokraci, lirimin e të burgosurve të saj politik dhe të përfshijë të gjitha lëvizjet politike në zgjedhje të lira dhe të ndershme.
PALESTINA
“Është e pamundur për të arritur një zgjidhje paqësore, ndërsa problemi arabo- izraelit, baza e të gjitha problemeve në Lindjen e Mesme, mbetet i pazgjidhur. Ne jemi duke kërkuar krijimin e përhershëm të një shteti palestinez të formuar nga kufijtë e vitit 1967 i cili do të përfshijë një Jerusalem të lirë si kryeqytet të Palestinës.”
Megjithatë, shtoi Gyl. ndërsa bisedimet e paqes ndodhin, Jeruzalemi lindor si dhe pjesët e tjera të Palestinës mbeten nën pushtimin izraelit dhe vendbanimet e paligjshme janë ende duke u ndërtuar. “Ne e shohim qëndrimin e Izraelit si të rrezikshëm dhe si pengesë për arritjen e paqes”, përfundoi Gyl. /mesazhi/
![[Lajmet Ditore] Gyl prononcohet për Sirinë, Egjiptin dhe Palestinën Empty](https://2img.net/i/fa/empty.gif)
Thu 23 Mar 2023 - 2:31 nga 
