![[Lajmet Ditore] Kajro, rreth 400 të arrestuar për një ditë (u186u)promursi-egypt](https://2img.net/h/www.mesazhi.com/modules/news/images/option6/(u186u)promursi-egypt.jpg)
Prokurorët egjiptianë dhanë vendim për paraburgimin e 388 aktivistëve anti grusht-shtetit për një periudhë 15 ditëshe, në pritje të hetimeve për rolin e tyre në përleshjet e së dielës me forcat e sigurisë.
Të 388 aktivistët u arrestuan të dielen në sheshin Ramses të Kajros dhe në rrethin e Gizës.
Prokurorët akuzuan të pandehurit se gjoja se “dëmtuan pronën publike dhe private”, por ndaj tyre figurojnë edhe akuza për " sulm ndaj forcave të sigurisë."
Të burgosurit , nga ana e tyre , kanë mohuar të gjitha akuzat, duke rrëfyer tmerrin e përjetuar gjatë shpërndarjes së protestës paqsore.
Të paktën 54 protestues anti - puçist u vranë nga forcat e sigurisë të dielën. Demonstruesit kishin organizuar mitingje dhe marshime në mbarë vendin për të denoncuar largimin e presidentit Muhamed Mursi, lideri i parë i zgjedhur me vota të lira në Egjipt.
Shumica e vrasjeve kanë ndodhur në kryeqytetin Kajro dhe provincën Giza.
Në një deklaratë të lësuhar për media, partia e presidentit Mursi kërkoi një hetim ndërkombëtar për vrasjet.
Ajo deklaroi se shefi ushtarak Abdel- Fatah al- Sisi dhe Ministri i Brendshëm Mohamed Ibrahimin janë përgjegjës për vrasje të qëllimshme të protestuesve paqësorë. /mesazhi/
![[Lajmet Ditore] Kajro, rreth 400 të arrestuar për një ditë Empty](https://2img.net/i/fa/empty.gif)
Thu 23 Mar 2023 - 2:31 nga 
