![[Lajmet Ditore] Afrikë Qendrore, Imami dhe kryepeshkopi bashkë për ta ndalë dhunën (u130u)central-africa](https://2img.net/h/www.mesazhi.com/modules/news/images/option6/(u130u)central-africa.jpg)
Udhëheqsit më të lartë fetarë të krishterë dhe muslimanë në Republikën e Afrikës Qendrore janë bashkuar edhe një herë për të parandaluar vendin e tyre nga rrëshqitjet e më tejshme në humnerën e dhunës sektare.“Muslimanët dhe të krishterët kanë jetuar bashkë në këtë vend për shumë vit,” tha kryepeshkopi i Banguit Dieudone Nzapalainga.
“Imamët dhe unë jemi duke biseduar se si mund t’i shfrytëzojmë pozicionet tona në sensibilizimin e komuniteteve tona përkatëse në mënyrë që të ndalet dhuna sektare,” deklaroi ai.
Imam Omar Layama, udhëheqës i lartë i komunitetit musliman në Republikën e Afrikës Qendrore, beson se kanë aftësinë për të sjellë të dyja palët në tryezën e bisedimeve.
“ Unë kam besim se ne do të punojmë me kishën në dhënien fund të dhunës,” tha ai.
Presidenti Michel Djotodia përsëriti gatishmërinë e tij të shtunën që të zhvillojë bisedime me rivalët e tij dhe të mbajë zgjedhje për t’i dhënë fund krizës në vend.
Republika e Afrikës Qendrore, një vend i pasur me minerale, nga marsi kaloi në anarki kur grupi Seleka, që janë me shumicë muslimane rrëzuan presidentin katolik François Bozize, i cili kishte ardhur në pushtet nga një grusht i shtetit në vitin 2003.
Sipas vlerësimeve nga agjencitë humanitare, më shumë se 600 vetë janë vrarë vetëm në Bangui në dy javët e fundit nga dhuna ndërmjet grupeve sektare.
Të premten, të paktën 29 muslimanë u vranë kur policia e krishterë sulmoi lagjen me shumicë muslimane në Bangui /mesazhi/
![[Lajmet Ditore] Afrikë Qendrore, Imami dhe kryepeshkopi bashkë për ta ndalë dhunën Empty](https://2img.net/i/fa/empty.gif)
Thu 23 Mar 2023 - 2:31 nga 
