Ish-ushtari ishte 19 vjeç kur ai përdhunoi dhe vrau vajzën adoleshente të Irakut dhe vrau tre anëtarët e familjes së saj. Një ish-ushtar i ushtrisë amerikane, i dënuar me burgim të përjetshëm për përdhunim të një vajze 14-vjeçare nga Iraku dhe vrasjen e pridërve dhe motrës së saj në vitin 2006, është gjetur i varur në qelinë e tij.

Raporti i Los Angeles Times, duke cituar zyrtarët e burgut, tha se vdekja e Steven Dale Green është duke u hetuar si vetëvrasje. Green u gjet i varur në qelinë e tij në Arizona javën e kaluar, sipas raportit të Times, i cili u botua të martën.

Green, 28 vjeç, u dënua në vitin 2009 për përdhunim dhe vrasje të 14-vjeçares Abeer Qasim Hamza al-Janabi dhe vdekjen e prindërve dhe motrës së saj 6-vjeçare në Mahmudiya, 32 km në jug të Bagdadit.

Ai u dënua me burgim të përjetshëm, pa mundësinë e lirimit me kusht, pasi juria federale në Kentaki nuk vendosi nëse ai do të ekzekutohet.

Gjatë gjykimit, prokurorët e portretizuan atë si kryetar i një bande prej pesë ushtarëve që e komplotuan atë për të pushtuar shtëpinë e vajzës dhe përdhunimin e saj, dhe më pas ai mburrej me krimin.

Green, i cili ishte 19 vjeç kur kreu krimin, u përshkrua si vrasës profesionist në grupin e ushtarëve, i cili nën petkun e uniformës përdhunoi vajzën para se ta vriste atë dhe familjen e saj.

Tre nga katër ushtarët e tjerë u deklaruan fajtor në sulm dhe i katërti është dënuar, të gjithë në gjykatat ushtarake. Ata morën dënime nga pesë deri në 100 vjet. Green është gjykuar si civil për shkak se ai u arrestua pasi u lirua nga ushtria. Ai është përshkruar nga prokurorët si i predispozuar për të vrarë irakianët.

Përderisa avokatët e tij mbrojtës pranuan se ai ka marrë pjesë në vrasje, ata argumentuan se ai po vuante stresin pas vdekjes së kolegëve të ngushtë dhe duhet kursyer nga dënimi me vdekje.

Ky ishte një prej disa incidenteve që u përfshinë ushtarët amerikanë, që zemëroi irakianët dhe tendosi marrëdhëniet SHBA-Irak./mesazhi/