[Lajmet Ditore] Kequshqyerja, kërcënim i heshtur për fëmijët refugjatë sirianë

UNICEF, agjencia për fëmijë e Kombeve të Bashkuara, ka bërë një vlersim mbi situatën e refugjatëve sirianë në Liban, duke thënë se kequshqyerja është kërcënim i heshtur dhe që kërkon trajtim të menjëhershëm. “Në të gjithë vendin, pothuajse 2,000 fëmijë refugjatë sirianë nën pesë vjeç janë në rrezik për të vdekur, dhe kanë nevojë për trajtim të menjëhershëm për të mbijetuar,” tha zëdhënësi i UNICEF-it, Patrick McCormick në një konferencë për shtyp të martën në zyrën e OKB-së në Gjenevë, Zvicër. “Në Bekaa dhe në veri të Libanit, kequshqyerja akute pothuajse është dyfishuar në vitin 2013 krahasuar me vitin 2012,” tha McCormick. “Pastrimi i ujit dhe higjiena nuk janë në nivelin e duhur.” Raporti i UNICEF-it “Veprimi humanitar për fëmijë në vitin 2014” tregoi se lufta në Siri ka prekur gati gjysmën e popullsisë, duke përfshirë 4,270.000 fëmijë. Që nga dhjetori i vitit 2013, mbi 1.1 milionë fëmijë dhe familjet e tyre janë detyruar që të kërkojnë strehim në Liban, Jordan, Turqi, Irak dhe Egjipt./mesazhi/:

[Lajmet Ditore] Kequshqyerja, kërcënim i heshtur për fëmijët refugjatë sirianë :: Komentet