[Lajmet Ditore] A.Saudite, 18 raste të reja me MERS

Arabia Saudite ka identifikuar 18 raste të reja të Sindromit të Lindjes së Mesme e Rrugëve të Frymëmarrjes (MERS), është thënë të mërkurën, duke shtuar numrin e përgjithshëm të infeksioneve në vend deri më tani në 449. Katër vetë vdiqën nga kjo sëmundje të mërkurën, duke e rritur numrin e përgjithshëm të vdekjeve në Arabinë Saudite në 121 që kur MERS, një formë e koronavirusit, është identifikuar dy vjet më parë, ka thënë Ministria e Shëndetësisë në një deklaratë. Shkalla e infeksionit në Arabinë Saudite është rritur në javët e fundit. Numri i përgjithshëm i infeksioneve pothuajse është dyfishuar në prill dhe është rritur mëtejshëm 21 për qind në maj. MERS u shfaq në Lindjen e Mesme në vitin 2012 dhe është nga e njëjta familje si virusi SARS, i cili vrau rreth 800 njerëz në të gjithë botën pasi u shfaq së pari në Kinë në vitin 2002. MERS mund të shkaktojë kollitje, ethe dhe pneumoni./mesazhi/ :

[Lajmet Ditore] A.Saudite, 18 raste të reja me MERS :: Komentet