[Lajmet Ditore] Hamasi: Izraeli do të paguajë çmim të lartë për pengjet

Një zyrtari i lartë i Hamasit, Mohamed Nazzal theksoi se Izraeli ka për të paguar një "çmim të lartë" për çdo informacion në lidhje me çdo ushtar të kapur në Rripin e Gazës. Ai tha se Brigadat Al-Qassam janë pala e vetme e cila është e autorizuar të deklarojë numrin e të burgosurve izraelitë. Brigadat njoftuan se morën peng ushtarin izraelit Oron Sauli në përleshje me forcat pushtuese izraelite në lagjen Al-Tuffah në lindje të Gazës, ndërsa Izraeli njoftoi se ka humbur Hadar Goldin në Rafah, në jug të Rripit të Gazës, e më vonë njoftoi se ai u vra në betejë. Nazzal tha pala izraelite do ta paguaj shtrejtë çdo informacion në lidhje me ushtarët e tyre. "Izraeli është duke kërkuar marrjen e informacionit në këmbim me asgjë," tha Nazzal, por "rezistenca refuzon këtë, tha ai" Ai gjithashtu tha se bisedimet për këmbime të të burgosurve do të jenë më ndryshe se bisedimet që po ndodhin aktualisht në Kajro, duke vënë në dukje se lëvizja e tij është gati për të filluar bisedimet. Rreth bisedimet në Kajro, zyrtari i Hamasit tha se lëvizja e tij është e interesuar për bisedime serioze dhe të vërteta, dhe pa "lojë fjalësh", në mënyrë që të arrihet një armëpushim, duke vënë në dukje se është shumë herët për të folur për zhvillimet që kanë ndodhur gjatë bisedimeve. /mesazhi/:

[Lajmet Ditore] Hamasi: Izraeli do të paguajë çmim të lartë për pengjet :: Komentet