[Lajmet Ditore] Turqia dhe SHBA nënshkruajnë marrëveshje për trajnimin dhe furnizimin e opozitës siriane

Ministri i jashtëm turk Mevlut Çavusoglu njoftoi mbrëmë vonë se Turqia dhe SHBA nënshkruan një marrëveshje për trajnimin dhe furnizimin e opozitës siriane. "Nën-Sekretari i Ministrisë së Jashtme Feridun Sinirlioglu dhe ambasadori i SHBA-ve në Turqi John Bass nënshkruan marrëveshjen," u tha Çavusoglu gazetarëve. Ministri tha se dy vendet kishin arritur tashmë një marrëveshje për të trajnuar opozitën siriane, duke shtuar se forcat do të luftojnë si regjimin sirian, ashtu edhe grupet e tjera terroriste në terren, përfshirë ISIS-in. Çavusoglu tha detajet shtesë do të njoftohen më vonë. Regjimi sirian ka shkaktuar vdekjen e më shumë se 200.000 personave në Siri, dhe zhvendosjen e miliona të tjerëve nga shtëpitë e tyre. Lufta civile ka krijuar terren të përshtatshëm për krijimin e grupeve terroriste, mercenarët e të cilave po kryejnë krime makabre ndaj civilëve. /mesazhi/:

[Lajmet Ditore] Turqia dhe SHBA nënshkruajnë marrëveshje për trajnimin dhe furnizimin e opozitës siriane :: Komentet