[Lajmet Ditore] Lirohen punëtorët turq të rrëmbyer në Bagdad

Gjashtëmbëdhjetë punëtorë turq, të cilët ishin mbajtur peng nga një grup i armatosur shiit në kryeqytetin Bagdad të Irakut, janë liruar që të gjithë. Lajmin e ka konfirmuar vet kryeministri turk Ahmet Davutoglu. Në njoftimin e bërë në gjuhën turke nëpërmjet llogarisë së tij zyrtare në Twitter, Davutoglu tha: “Ambasadori ynë në Bagdad sapo mori 16 punëtorë që ishin duke u mbajtur peng për një kohë në Bagdad, ndërsa me disa prej pengjeve kam biseduar në telefon”. 18 punëtorë turq u rrëmbyen në fillim të këtij muaji në një periferi të Bagdadit nga një grup i armatosur Shia. Dy prej tyre, Nexhdet Jilmaz dhe Ercan Ozpilavci, u liruan më 17 shtator. Davutoglu tha se të gjitha 16 punëtorët ishin në gjendje të mirë shëndetësore dhe shtoi se aktualisht po zhvillohen përpjekje për t’i sjellë ata në shtëpitë e tyre në Turqi, sa më shpejt që të jetë e mundur. Të gjithë punëtorët e rrëmbyer turq ishin punonjës të Nurol Holding, një firmë turke ndërtimi që aktualisht kryen projekte zhvillimore në kryeqytetin irakian. /MESAZHI:

[Lajmet Ditore] Lirohen punëtorët turq të rrëmbyer në Bagdad :: Komentet