Sinqeriteti!

O ju që besuat, kinie frikë All-llahun me sinqeritet të vërtetë dhe mos vdisni, pos vetëm duke qenë muslimanë. O ju njerëz! Kinie frikë Zotin tuaj që ju ka krijuar prej një veteje dhe nga ajo krijoi palën (shoqën) e saj,e prej atyre dyve u shtuan burrra shumë e gra. Dhe kinie frikë All-llahun që me emrin e Tij përbetoheni, ruajeni farefisin (akraballëkun),se All-llahu është mbikëqyrës mbi ju.

O ju besimtarë, pëmbajuni mësimeve të All-llahut dhe thuani fjalë të drejta. Ai iu mundëson të bëni vepra të mira, ju shlyen juve mëkatet tuaja, e kush respekton All-llahun dhe të dërguarin e Tij, ai ka arritur një sukses të madh.”

Fjala më e vërtetë është fjala e Allahut dhe udhëzimi më i mirë është udhëzimi i Muhammedit (savs).
Veprat më të këqija janë ato të shpikurat, dhe çdo shpikje është bidat, çdo bidat është devijim, dhe çdo devijim të çon në zjarr.
Vazhdimisht në kohën tonë njerëzit vuajnë nga çështja "Si?" D.m.th kur i them dikujt: "Bëhu i përulur në namaz" Më thotë: "Si?" Kur i them për frikë-respektin dhe nënshtrimin ndaj Allahut...Më thotë: "Si?" Si ta bëj këtë? Si ta sjelli këtë? Për këtë arsye do të fillojmë me këtë kuptime, nuk dua të them detajoze mirëpo po them të thella. O Zoti im, na jep sinqeritet dhe na bëj nga poseduesit e tij. Shumë nga ne punojnë,ndërsa gjëja më e rrezikshme në këtë botë gjëja më e rrezikshme për ata që udhëtojnë drejt Allahut është që ta humbin sinqeritetin. Gjëja më e rrezikshme që është në lidhjen tënde me Allahun është që ta humbësh sinqeritetin. Së pari, do të largohesh nga shikimi i Allahut, së dyti, do ta shkatërrosh Xhennetin përfundimisht.

Ka thënë Pejgamberi (savs): "Të parët me të cilët do të ndizet zjarri janë tre persona: Një burrë të cilit Allahu i ka dhënë dituri,ia bën të ditur bekimet e Tij dhe i njeh ai ato dhe i thotë: "Robi im, të kam dhënë dituri, çfarë ke bërë me të?" Thotë: "Ua kam mësuar njerëzve për hir tëndin, o Zot." I thotë (Zoti): "Po gënjen! Ua ke mësuar njerëzve që të thuhet për ty dijetar,dhe është thënë. Kështu që nuk ke asnjë shpërblim tek Unë." Nuk ke asgjë tek Unë. Pastaj tërhiqet për fytyrën e tij në zjarrin e Xhehenemit.
Dhe një burrë, të cilit Allahu i ka dhënë pasuri, Ia përmend begatitë dhe i pranon ai ato dhe i thotë: "Robi im, të kam dhënë pasuri, çfarë ke bërë me të?" I thotë: "O Zot, nuk kam gjetur rrugë, të cilën e do që të jepet pasuria, përveq se kam dhënë për hir Tëndin." I thotë: "Po gënjen! Ke dhënë që të thuhet se je bujar, dhe është thënë. Kështu që nuk ke asnjë shpërblim tek Unë"
Dhe sillet një burrë, të cilit Allahu i ka dhënë fuqi Ia përmend Allahut begatitë e Tij dhe i pranon ato dhe i thotë: "Robi Im, të kam dhënë fuqi, çfarë ke bërë me të?" I thotë: "O Zot, kam luftuar në rrugën Tënde derisa jam vrarë" I thotë Allahu: "Po gënjen! Në të vërtetë ke luftuar që të thuhet trim dhe është thënë
Kështu që, nuk ke asnjë shpërblim tek Unë. Pastaj tërhiqet për fytyrën e tij në zjarrin e Xhehenemit"
Motra, këta të tre: Dijetari, bujari që ka dhënë sadaka, dhe dëshmori (shehidi) në rrugën e Allahut janë të parët me të cilët do të ndizet Xhehenemi.
Pastaj kanë thënë dijetarët tonë se këta të tre fakti se do të tërhiqen për fytyra në Xhehenem duke e pasur parasysh përgjithshmërinë e teksteve sheriatike se nuk do tërhiqet për fytyre në Xhehenem përveç se pabesimtari tregon se ai i cili e humb dhe nuk e ka sinqeritetin përfundon me përfundim të keq dhe vdes jashtë Islamit.
Parafytyroje një burrë, dijetar të cilit i thotë Allahu: "Të kam dhënë dituri", të cilit i thotë Allahu: "I ke mësuar të tjerët që të thuhet i dijshëm."
Do të jetë njeriu i parë, para zinaqarëve, mëkatarëve konsumuesit të alkoholit. Para tyre do të hyjë në Xhehenem për shkak të humbjes së sinqeritetit.
Sinqeriteti...Katastrofa e kësaj kohe është se të shumtë janë ata të cilët ankohen nga mungesa e sinqeritetit dhe luan me ta shejtani në humbjen e sinqeritetit pastaj po ata nuk provojnë që të bëhen të sinqertë, por i janë nënshtruar rijasë (syefaqësisë) apo e lëjnë punën.
Ashtu siç ka thënë Fudajli: "Puna për hir të njerëzve është syefaqësi, ndërsa lënia e punës për hir të njerëzve është shirk. Sinqeriteti është të të mbrojë Allahu nga ato të dyja."
Allahu e dëshiron prej teje sinqeritetin. Ka thënë Allahu:* "E ata nuk ishin të urdhëruar me tjetër, pos që ta adhuronin All-llahun me një adhurim të sinqertë ndaj Tij."
"Nuk ishin urdhëruar përveç se”- Përjashtimi pas mohimit do të thotë hasr eul kasr
"E ata nuk ishin të urdhëruar me tjetër, pos që ta adhuronin All-llahun me një adhurim të sinqertë ndaj Tij" - Gjëja kryesore e kërkuar prej teje është sinqeriteti
Ndërsa pyetja është:"A je ti e sinqertë?"
Ke kujdes e mos u ngut e të më thuash: "Jo, për Zotin, nuk jam i sinqertë" e as mos u ngut e të thuash: "Elhamdulilah, unë jam i sinqertë."
Mirëpo çështja është se dëshirojmë të pyesim: "E sinqertë në çfarë?" “Si ta arrij sinqeritetin?”* “Prej nga ta sjelli sinqeritetin?“ “Si bëhet njeriu i sinqertë?”
Sufjan eth-Thevri thotë: "Çdo punë që duket nga punët e mia nuk e llogaris atë sepse zemrat tona e kanë më të vështirë të jenë të sinqerta kur njerëzit shikojnë."
Kjo është katastrofa e çështjes së sinqeritetit është se njerëzit janë rreth teje.
Para se të tregoj se si të bëhemi të sinqertë duhet patjetër t'i përmendim pengesat mes teje dhe sinqeritetit.
Pengesa më e madhe mes teje dhe mes sinqeritetit janë njerëzit. Lidhja e zemrës me njerëzit. Përpjekja për t'i kënaqur njerëzit.* Kërkimi i lavdërimit të njerëzve. Frika nga mospërfillja e njerëzve. Dëshira për të pasur personalitet para njerëzve dhe mes njerëzve.
Njerëzit...Këta njerëz janë katastrofa

Ka thënë Allahu (svt): "Ata ju betohen në All-llahun për t’ju bërë juve të kënaqur e më e drejtë është që ata të bëjnë të kënaqur All-llahun dhe të dërguarin e Tij nëse vërtet janë besimtarë."


E sheh se te disa njerëz i tërë preokupimi i tyre janë njerëzit...çfarë thonë njerëzit për mua? Si më shohin njerëzit? Ç’mendojnë njerëzit për mua?
Lidhja e zemrës me lavdërimin e njerëzve. Në momentin që bën diçka, kthehet të shikojë se mos po i thotë dikush ndonjë fjalë, ta qetësojë.
Kur falet me njerëzit si imam, pasi që të kthehet fillon të shikojë në sytë e njerëzve "Hë, a ishte zëri im i ëmbël?" "A ishte hifzi mirë?" "A ishin ajete të mira këto që i zgjodha?" Ndoshta edhe kur falet pas imamit preokupohet me ata dy që janë afër tij çfarë po thonë për të?
I përulur në namaz? Qëndroj mirë?


Dhe kështu...E gjen kur jep sadaka ose kur mëson ndonjë dituri deri edhe kur flet...Duke folur është në pritje se kjo fjalë a do tu pëlqejë njerëzve apo jo? A do t'i kënaqë apo jo?
Dhe ky është shkaku më i madh për hidhërimin e Allahut ndaj robit...

Zoti im! Bëji të gjitha veprat tona të mira dhe bëji ato të sinqerta vetëm për Ty dhe mos bëj asgjë nga ato vepra për dikë tjetër pos Teje. Të dashurit e mi, unë ju dua për hir të Allahut



*

Në fund: Falenderimi i takon vetem Allahut