Bujamin
Pena e Artë
Numri i postimeve : 423
Data e regjistrimit : 26/08/2010
Nacionaliteti-Sheti : Tetovë- Maqedoni
 | Titulli: Një libër që lexohet dhe një tjetër që shikohet  Wed 2 Feb 2011 - 21:52 | |
| Zoti i Madhërishëm na e prezanton Veten në dy mënyra:
Një libër që lexohet dhe një tjetër që shikohet.Nëse kërkon të njohësh Zotin e Madhërishëm, e njeh nëpërmjet Librit të Tij që e shpalli, Kur’anit.
Nëse nuk e lexon Kur’anin, ngaqë nuk kupton arabisht, ke Librin tjetër që mundesh ta lexosh, gjithësinë.
Ashtu siç ka Kur’ani faqe ku tregohet Madhështia e Krijuesit, edhe gjithësia ka faqet e saj të panumërta, të cilat dëshmojnë mbi krijimin.
"Nëse kërkon të njohësh Zotin e Madhërishëm, e njeh nëpërmjet Librit të Tij që e shpalli, Kur’anit."
A.) - Le të flasim fillimisht mbi Librin që e lexojmë, Kur’anin.
Teksa e lexojmë Kur’anin, shohim se ai përqëndrohet në prezantimin dhe në njohjen sa më të thellë të Zotit të Madhërishëm dhe emrave të Tij të bukur.
Ajeti i parë që iu shpall Profetit [sal-lall-llahu alejhi ve sel-lem] nga Kur’ani ishte:
”Lexo me emrin e Zotit tënd, i Cili krijoi (gjithçka)!” (El-Alek: 1)
Ndërsa çdo sure fillon me fjalët: ”Me emrin e All-llahut, të Gjithëmëshirshmit, Mëshirëplotit”.
Sureja më me vlerë në Kur’an, është sureja El-Fatiha.
Ajo përmban në çdo ajet të saj emra të Zotit dhe duhet lexuar në çdo namaz që falim.
Ajeti më me vlerë në Kur’an, është Ajeti El-Kursij.
Në një ajet të vetëm, përmenden gjashtë cilësi të Zotit të Madhërishëm.
Ne të gjithë e lexojmë ajetin El-Kursij, me të mbyllim namazin tonë, shumë të tjerë e kanë mësuar, edhe pse nuk falen. Vallë, teksa përfundon leximin e këtij ajeti, a të ka vajtur mendja ndonjëherë tek dy fjalët përfunduese?
(Ai është i Larti, Madhështor!)
Nëse çdo sure të Kur’anit e lexojmë me emrin e All-llahut (Bismilahi Err-rrahmani Err-rrahim), përse të mos e themi në çdo punë që fillojmë?!
Kujt tjetër do t’i drejtohesh për ndihmë në raste fatkeqësie përveç Zotit, i Cili është Një dhe i Vetëm?
Ajo që e bën këtë sure të konsiderohet sa një e treta e Kur’anit është se duke lexuar dhe mësuar këtë sure, ti mëson se nuk ka zot tjetër veç All-llahut, mëson se Ai është i vetmi Zot, mëson se Atij i drejtohet gjithkush për ndihmë, nga kjo mëson se vetëm Atij i duhet drejtuar për ndihmë, vetëm prej Tij duhet pasur frikë, Ai është Furnizuesi, Kontrolluesi…
Po të vërejmë, teksa lexojmë Kur’an, do të shohim se shumica e ajeteve përfundojnë me emrat e bukur të Zotit të Madhërishëm.
"Nëse nuk e lexon Kur’anin, ngaqë nuk kupton arabisht, ke Librin tjetër që mundesh ta lexosh, gjithësinë."
B.) - Lexoje Kur’anin këtë vit, me qëllimin që t’u kushtosh vëmendje emrave dhe cilësive të Zotit.
Nëse nuk di të lexosh Kur’an në arabisht, edhe kjo e ka një zgjidhje:
Lexo Librin e gjithësisë që ka krijuar Zoti i Madhërishëm. Shiko gjithçka përreth dhe medito.
Nëse do të shikosh gjithësinë, ajo të udhëzon drejt njohjes së Zotit.
Çdo gjë e gjallë, dëshmon Krijuesin e saj.
E gjithë gjithësia, brohoret me emrin e Atij që e krijoi.
E gjithë gjithësia, madhëron në Krijuesin e saj.
Gjithësia nuk është shurdhmemece, je ti ai që nuk dëshiron të dëgjosh dhe të shikosh.
Je ti ai që shejtani ia bllokon veshët të dëgjojë gjithësinë se si thërret:
“Zoti im!” E gjithë gjithësia brohoret me të madhe:
“Nuk ka zot tjetër veç All-llahut!” Gjithçka që na rrethon, dielli, hëna, yjet, qielli, malet… brohorasin fuqishëm: “O
Madhështor, o i Plotfuqishëm, o i Urtë, o i Gjithëditur…"
Në anën tjetër dëgjon thirrjet e trëndafilit, bletës dhe zogut:
”O Mëshirues, o Miqësor, o i Dashur…
Ngjyrat thërrasin dhe brohorasin: ”O Shpikës i gjithçkaje!”
Duart e gjynahqarëve drejtohen drejt Falësit dhe Mëshiruesit suprem.
I vdekuri thërret çdo ditë Jetëdhënësin që nuk vdes kurrë.
I mbyturi në det thërret me sa fuqi ka Shpëtimtarin ta ndihmojë…
A është e mundur për ty, o vëlla, që po i lexon këto rreshta, ta shohësh gjithësinë me një sy tjetër?
A është e mundur ta shohësh gjithësinë sikur po e shikon për herë të parë? Shikoje diellin, teksa lëviz, dhe përpiqu ta ndjesh madhështinë e Atij që e krijoi.
Shikoji lulet me ngjyrat e shumta dhe përpiqu ta ndjesh dijen dhe gjenialitetin e Zotit të Madhërishëm.
Imagjino dikë që nuk e ka parë më parë mrekullinë e natës dhe të ditës.
Imagjinoni një njeri që e kanë mbajtur nën tokë nga dita që lindi. Pas disa dhjetëra vitesh e nxjerrin dhe shikon natën që i zë vendin ditës dhe anasjelltas.
Të jesh i sigurtë se, kur t’i shihte këto dy mrekulli, do të binte në  . Kur të shihte lindjen e diellit për herë të parë, do e dëgjoje të thërrasë gjithë habi: “Kush po e bën diçka të tillë?” - dhe pa vetëdije do të thërriste: “Nuk ka zot tjetër veç All-llahut!”
Provoje ta shohësh gjithësinë si për herë të parë, o vëlla dhe o motër, dhe do të shohësh se çdo gjë që na rrethon, dëshmon mbi Krijuesin e saj.
Çdo gjë që na rrethon, na kërkon ta njohim Zotin e Madhërishëm. Dielli që lind çdo ditë, sikur na thotë ta njohim Zotin.
Shiu që bie nga qielli, na thotë: “Njiheni Furnizuesin!” Njerëzit e vdekur, na thonë: “Njiheni të Gjallin, i Cili nuk vdes kurrë!” Gjithësia është e mbushur dhe e karikuar me mijëra mesazhe të ndryshme, të cilat na ftojnë të njohim Zotin tonë.
Ne kemi xhamitë e vogla, në të cilat kryejmë faljet dhe më pas largohemi. Por ka edhe një xhami të madhe, e cila na rrethon nga çdo anë.
Kjo xhami e ka emrin “Gjithësi”. Në këtë xhami, shohim diellin që adhuron, madhëron dhe i bindet vullnetit të Zotit të Madhërishëm.
Shohim bimët që i janë dorëzuar plotësisht vullnetit dhe caktimit të Zotit. Shohim çdo gjë duke madhëruar Zotin:
“Nuk ka gjë veçse e madhëron dhe falënderon Atë, por ju nuk e kuptoni madhërimin e tyre.” (El-Isra: 44)
Vetë Kur’ani e përmend faktin se gjithësia është një xhami e madhe:
”A nuk e ke parë se si Zotit i kanë rënë në gjithçka në qiej dhe tokë, dielli, hëna, yjet, malet, pemët, kafshët dhe shumë prej njerëzve?!” (El-Haxh: 18)
O vëlla, përse nuk shikon?! Përse nuk dëgjon?! Gjithçka po të thërret të njohësh Zotin!
“Zotin e madhëroi gjithçka që është në qiej dhe në tokë.” (El-Hadid: 1)
Që sot e tutje le ta lexojmë Kur’anin edhe me mënyra tjera.
Që sot e tutje le ta shohim gjithësinë me sy tjetër.
Nëse kërkon të ndjesh Madhështinë e Zotit, thuaj dhe ndieje me zemër:
”O Zot i Plotfuqishëm, me emrin Tënd jetoj!”
Nëse kërkon të jesh krenar, thuaj:
”O Zot, me Krenarinë Tënde jetoj!”
Nëse kërkon të ndjesh dhembshurinë dhe butësinë, thuaj:
”O i Dhembshur, me emrin Tënd jetoj!”
Nëse kërkon të drejtën dhe të vërtetën dhe të jetosh për to, thuaj:
”O i Drejtë dhe i Vërtetë, me emrin Tënd jetoj!”
Nëse i frikësohesh rizkut, thuaj:
”O Furnizues, me emrin Tënd jetoj!”
Nëse je i shqetësuar mbi personin me të cilin do të martohesh, thuaj:
”O Garantues, me emrin Tënd jetoj!” Mundësoi dhe Përpunoi : Bujamin Salija_____________________________________________ Në këtë tekst kemi shkëputur materiale nga libri: " Me Emrin Tënd jetojmë" | |
|
