Izraeli e përdor Facebook për të spiunuar njerëzit
Fakti që Izraeli e përdor Facebook-un për të spiunuar arabët nuk kufizohet vetëm në raportet mediatike, por është një ndjesi e përgjithshme e njerëzve në të gjithë rajonin. Izraeli ka një histori të gjatë spiunazhi në Lindjen e Mesme. Gjatë luftërave të viteve 1956, 1967 dhe 1973 Izraeli i ka shqyrtuar tërësisht faqet e lajmërimeve të vdekjeve në gazetat arabe, duke e detyruar ushtrinë egjiptiane të ndalojë publikimin e lajmërimeve të vdekjeve për personelin ushtarak.
Për përdoruesit e Facebook-ut të freskojnë statusin e tyre dhe të postojnë foto familjare e bëjnë thjesht për miqtë (friends) e tyre të listës, por sipas raporteve më të fundit informacionet për të cilat pjesa më madhe e njerëzve besojnë se janë krejtësisht private aktualisht përdoren në Izrael për profile të caktuara njerëzish dhe për t’i spiunuar ata e të arrijnë të marrin informacione të vlefshme. Sipas burimeve të besueshme të “Israël Magazine” me qendër në Francë, shërbimet inteligjente izraelite e kanë përqendruar vëmendjen kryesisht te përdoruesit arabë dhe muslimanë dhe e përdorin informacionin e marrë nga faqet e tyre të Facebook-ut për të analizuar aktivitetet e tyre dhe të kuptojnë se si mendojnë ata. Ky raport ka shkaktuar shqetësime në qeverinë izraelite dhe në qarqet diplomatike dhe ambasadori izraelit në Paris e ka akuzuar revistën, se “i ka dhënë informacione të vlefshme armikut”. Ky aktivitet i mbuluar i Izraelit është zbuluar në maj 2001 nga Zherar Niru (Gerard Niroux) profesor i psikologjisë në Universitetin e Provancës në Francë, i cili thotë: “Është një Network Inteligjence i prodhuar nga psikologë izraelitë, për të joshur të rinj nga bota arabe, veçanërisht nga shtetet e vendosura brenda rrezes së konfliktit palestinez-izraelit dhe për vendet e Amerikës Latine”. Niru është autor i një libri të quajtur “Rreziqet e internetit”. Niru thotë se një numër i madh burrash e përdorin networkun për të lënë takime me femra dhe paralajmëron se kjo nuk është e sigurt, po ashtu si edhe për të joshur burrat dhe për t’i gjetur atyre pikat e dobëta. “Është shumë e lehtë t’i spiunosh burrat duke përdorur gratë”,- i tha ai kësaj reviste.
Nuk është hera e parë që Izraeli akuzohet, se e përdor Facebook për të spiunuar njerëzit, sepse në prill 2008 gazeta jordaneze “el-Hakika el-Dawlija” publikoi një artikull me titull “Armiku i fshehur” me të njëjtat pretendime. Gazeta thoshte se ishte shumë e rrezikshme, sepse njerëzit e veçanërisht të rinjtë, zbulojnë ngjarje intime personale për vetveten në Facebook dhe në komunitete të ngjashme online, duke i bërë ata shënjestra të lehta për njerëz të dyshimtë.
Facebook nuk është krejt i panjohur në politikë dhe shpesh është përdorur për të organizuar protesta apo për të lancuar fushata opozitare, si ato të fundit në Iran, të cilat siç thotë “Israël Magazine” i dhanë inteligjencës hebreje një këndvështrim të brendshëm të vlefshëm për veprimtaritë e ndryshme në vendet armike. Fakti që Izraeli e përdor Facebook-un për të spiunuar arabët nuk kufizohet vetëm në raportet mediatike, por është një ndjesi e përgjithshme e njerëzve në të gjithë rajonin. Izraeli ka një histori të gjatë spiunazhi në Lindjen e Mesme. Gjatë luftërave të viteve 1956, 1967 dhe 1973 Izraeli i ka shqyrtuar tërësisht faqet e lajmërimeve të vdekjeve në gazetat arabe, duke e detyruar ushtrinë egjiptiane të ndalojë publikimin e lajmërimeve të vdekjeve për personelin ushtarak.
alarabiya.net
Thu 23 Mar 2023 - 2:31 nga 
