Sekretari i Përgjithshëm i Kombeve të Bashkuara Ban Ki-mun ka thënë se ka marrë njoftimeve tepër shqetësuese se trupat po ekzekutojnë dhe po torturojnë njerëzit në Homs.

Autoritetet siriane nuk i kanë lejuar ende ekipet e Kryqit të Kuq Ndërkombëtar të hynë në distriktit Baba Amr, të goditur rëndë nga luftimet, në qytetin Homs që mbahej më parë nga kryengritësit.

Aktivistët thonë se janë gjithnjë e më të shqetësuar për gjendjen e civilëve në Baba Amr. Ata thonë se i gjithë qyteti i Homsit është në gjendjen e një katastrofe humanitare, ku mungon energjia elektrike, uji dhe komunikimi. Rezervat ushqimore gjithashtu janë paksuar ndjeshëm dhe shumë njerëz kanë frikë të largohen nga shtëpitë e tyre. Ditët e fundit edhe koha ka qënë e ftohtë dhe me dëborë.

Komiteti i Kryqit të Kuq Ndërkombëtar thotë se ekipet arritën të dërgojnë ndihma për refugjatët nga Baba Amri rreth tre kilometra nga Homsi dje. Por zyrtarët e Kryqit të Kuq thanë se trupat siriane vazhdojnë t’i pengojnë ekipet të hynë në Baba Amr, duke u justifikuar me gjendjen e sigurisë.

Burimet e opozitës thonë se qeveria po e pengon Kryqin e Kuq të shikojë në vend masakrat e kryera nga ushtarët sirianë, të cilët janë në ndjekje të kryengritësve që kanë mbetur në qytet.

Sekretari i Përgjithshëm i Kombeve të Bashkuara Ban Ki-mun ka thënë se ka marrë njoftimeve tepër shqetësuese se trupat po ekzekutojnë dhe po torturojnë njerëzit në Homs. Kryengritësit braktisën pozicionet e tyre në Homs javën e kaluar pasi u goditën për një muaj me radhë nga artileria e forcave siriane./voa/