Qindra protestues edhe në Tetovë kanë shprehur sot revoltën e tyre kundër arrestimeve të fundit dhe prononcimeve të MinistresJankullovka e cila i kishte etiketuar ata si fajtor dhe radikal islamik enda pa filluar procesi gjyqësor. Protestuesit nisën marshin e tyre në sheshin e Tetovës ndërsa për disa çaste kanë qëndruar para gjykatës së Tetovës ku kanë brohoritur parulla ‘Poshtë Jnakullovska’dhe ‘Ne nuk jemi terrorist’ . Situata është përshkallëzuar kur policia tentoi por pa sukses të ndaloj protestuesit të marshuar drejt selisë së BDI-së. Para selisë së partisë së Ahmetit protestuesit brohoritën parullat, ‘myslimanët nuk janë terroristë’ ‘stop proceseve të montuara politike’ etj ndërsa përcollën mesazhin e tyre drejtuar qeverisë dhe ministres Jankullovska.“Ne sot kemi dalë të ngrejmë zërin e protestës kundër diskriminimit që na bëhet neve, kundër njollosjes që nab ëhet neve. Ne nuk jemi terrorista. Nuk domethënë se çdo musliman që ka literaturë islame te shpija dhe ai është terroristë. Nuk ka shptëi muslimane që nuk ka literaturë islame dhe nuk ka Islam që thërret në dhunë, feja jonë thërret në paqe”, tha një protestues. “Kërkojmë dorëheqje të menjëhershmë të zotit Ahmeti edhe të jankullovskës të paktën prej qeverie ta lëshojë qeverinë dhe zonja Jankullovska të matet mirë se kë shpall terrorist”, tha një tjetër protestues. Përveç në Tetovë protesta janë mbajtur edhe në Kumanovë. Protestuesit revoltën e tyre kundër arrestimeve e kanë shprehur para gjykatës themelore dhe ndërtesës së pushtetit lokal. Incidente nuk janë regjistruar. Protesta janë mbajtur edhe në Gostivar ku gjithashtu nuk janë regjistruar incidente. Bashkim Sulejmani