E-maili në emër të Microsoft që vjedh fjalëkalimin

Keni kujdes nëse merrni një e-mail nga privacy@microsoft.com në adresën tuaj, fshijeni atë pa e hapur.

Kjo për shkak se ju mund te bini në grackën e projektuesve mashtrues të cilët kanë për qëllim thyerjen e fjalëkalimeve të përdoruesve të: Gmail, Yahoo, Windows Live dhe AOL..., sipas Naked Security, një blog e firmës së sigurisë Sophos.

Emaili i cili vie me emrin "Microsoft Windows Update" kërkon që përdoruesit të verifikojnë llogaritë e tyre të emaileve duke futur informacionet personale dhe konkretisht shkruan:

Të dashur përdorues të Windows-it,
“Kemi vënë re se të dhënat e instalimit të Microsoft-it nuk janë të përditësuara. Çdo instalim i Windows-it duhet të jetë i lidhur me një llogari e-maili për përditësime të reja.
Kjo kërkon nga ju që të verifikoni Llogarinë e e-mailit. Mosverifikimi i të dhënave tuaja do të rezultojë në pezullimin e llogarisë. Klikoni në butonin e ‘verifikimit’ më poshtë dhe fusni informacionet tuaja të kyçjes në faqen e mëposhtme për të konfirmuar regjistrimin.
Verifikojeni
Faleminderit!
Ekipi i Microsoft Windows.”

Ndërkaq mashtrimi është i pabesueshëm, përdoruesit e kujdesshëm të Internetit do të vërejnë raste të çuditshme të kapitalizimit dhe gramatikës, që tradhton synimet tinëzare të e-mailit.

Nëse klikoni mbi “verifiko” ai do t’ju dërgoj në një faqe interneti të një pale të tretë, që pretendon të jetë Microsoft.com, por në fakt nuk është e vërtetë, raporton ‘Naked Security’.

Nga ky e-mail është paralajmëruar se kompjuteri i përdoruesit (d.m.th kompjuteri jauj) nuk është i përditësuar (update) dhe se janë në rrezik të lartë. Pastaj thotë se është “e nevojshme” për të zgjedhur një nga katër ofruesit e e-mailit dhe të shkruani emrin dhe fjalëkalimin. Natyrisht, ky informacion dërgohet tek mashtruesi, duke vënë në rrezik identitetin e përdoruesit.