"Allahu Ekber" e gdhendur në Katedralen e Lionit




Repellin Didier, arkitekti kryesor i monumenteve historike, thotë se gurgdhendësit dhe skulptorët e katedrales kanë traditë paraqitjen e popullit ose të njerëzve që ata i respektojnë
"Ahmed, i cili në katedralen e Lionit si skulptor ka punuar 30 vjet, është i aftë dhe shumë modest. Një burrë i qetë i cili është mjaft i çmuar. Shembull i një njeriu të mrekullueshëm, "thotë Didier.

Gdhendësi Emmanuel Fourchet ka gdhendur imazhin e kolegut të tij, si dhe të gjitha figurat tjera në katedrale, ku gjenden edhe imazhet e gdhendësve që kanë punuar më parë. Fourchet, gjatë punimit të imazhit të 59-vjeçarit Ahmed Benzizini ka gdhendur në arabisht dhe frëngjisht, "Allahu Ekber Allahu është më i madhi."

"Unë jam një francez dhe musliman i devotshëm, gjithmonë kam punuar në monumentet historike. Unë, nëse nevojitet, mund të punoj në xhami dhe sinagoga. I respektojë të gjitha vendet e shenjta, "tha skulptori Ahmed.

Megjithatë, çfarë do të ishte sikur e gjithë kjo dikujt mos t’i pengonte. Krahu i djathtë Les Jeunes Identitaires Lyonnais, i cili po lufton për "identitetin etnik dhe kulturor" të rajonit, nëpërmjet faqes së tij të internetit ka shkruar: "Derisa në shumë vende muslimane krishterimi është i ndaluara dhe krishterët janë të përndjekur, muslimanët janë duke i marrë kishat tona në bashkëpunim me autoritetet katolike."

"Shkruan Allahu është më i madhi, shihet shumë qartë, dhe pajtohen me këtë. Kjo nuk është e njëjtë sikur të shkruhet Muhamedi është profetit ynë", thotë një nga njerëzit e dioqezës.

Atë Cacaude, rektor i katedrales, nuk dëshiro të konfirmojë se gdhendësit kanë marrë autorizimin nga arqipeshkvi. Zëdhënësi i dioqezë Pierre Durieux ka deklaruar se ndërtuesit ndonjëherë kanë liri të caktuara përtej zonës së shenjtë. "Nuk kishte kundërshtime të hapura të kishës, si dhe pëlqim të shprehur. Figurat gjithmonë kanë qenë imazhe laike që janë përdorur për ironi dhe satirë. Për çdo rast, figurat ndodhen jashtë kishës, e jo në të. "

Daniel, pronar i një dyqani pranë katedrales, thotë se kjo nuk do të ishte e mundur në kishën e Shën Gjergjit, e cila konsiderohet si bastion i krishterëve konservativ. Ka shumë të tjerë si ajo në rrethin e Vieux-Lyon, të cilët përshëndesin punën e Emmanuelit. Evelyn, një besimtare që vjen në katedrale, thotë se ky akt mund të ndihmojë që religjionet të afrohen. Daniel thotë se kur Ahmedi e pa figurën u çudit nga ngjashmëria, prandaj edhe i hoqi mustaqet. Disa punëtorë pastaj iu bashkangjitën punimit të skulpturës, thotë ai, sepse ishte i shqetësuar për kohën që duhet të përfundojë.